Sunday, July 29, 2012

Nemuai ngagai SIDS Kawasan Passin 28.7.2012


Hari enam tu kemari bisi 75 orang bala Sarakup Sibu nurun nemuai ngagai bala kaban di Kawasan Passin.  Kami betemu di wharf kira-kira jam 7:30pagi, lalu deka bekejang jam 8:00pagi; tang kami nyadi bekejang jam 8:30pagi ketegal express ke udah dicharter kami jai enjin.  Nasib meh ngaga iya enda lama.

Tuju pejalai kami ke Passin ianya ketegal program Randau (semina) mit serta nemuai ngagai bala kaban-kaban di Passin.  Kawasan Passin bisi 99 orang kaban.  Sayau semina lebih kurang 2/3 ari nya ke bisi enggau. 
Bala kaban belaboh niki express Maju Express Passin.  Bala kami endang udah berintai nganti ke niki kira jam 8:00 pagi.





 
Bala alam moto, lalu semua maya tu udah begari nyendia ke diri.  Di mua sepiak kanan ianya Pn. Uchi (Sekretari SIDS Sibu) & Pn. Sitie (EXCO), lalu ba baris kedua ke ngena Selampai, Ir. Alice, Pengerusi SIDS Sibu ke ngiring penemuai tu.



Tuai-Tuai kaban di Passin diulu ke Pn. Itau (tiga ari kiba) ngelalu ke penatai kami.
Bala kami disambut ngena adat Iban ianya enggau piring.  TR Imba enggau tuai sida di rumah panjai, enselan enggau manok.


Kami dikelalu lalu dibiyau enggau sampi ari TR Imba.  Ir. Alice lalu disua ke TR sangkok!  Nama meh utai ke ka dibedegah iya nya legi!
Bala kaban Sarakup di Kawasan Passin berintai nyambut penatai bala ari Sibu.  Ir. Alice benong bekelala enggau kaban ke din.

Bala kaban ke bisi datai serta engau bala indu-indu di rumah panjai.

Sekeda ari bala kaban ke datai ari Sibu berintai duduk di ruai dinga ke randau.


Kami disambut enggau kajat.

Pengerusi SIDS Sibu, Ir. Alice, benong bejako enggau bala ke bisi datai.  Ir. Alice mega bsi mai kertas kerja siti ke betajuk 'Peranan SIDS Sibu alam Pemansang Indu Dayak'.  Tu siti kertas kerja ke chukup merangsang lalu mantai ke mimit chara kitai ngangkat serta ngemansang ke bangsa kitai indu Iban.

Sekretari, Pn. Uchi mantai ke kertas kerja iya pasal bakani kitai bejako ba mua orang mayoh.

Menoa Passin tu endang penatai udang & ketam.  Tengahari nya mayoh lauk ke sida sedia.

Kaban ari Sentosa benong betusuk ke kuyung pileng!  Sedap endal gamal nya!

Bala ari Sentosa.

Pn. Sitie mantai ke kerubong udang ke udah ambis.  Kami dienah ke udang mesai jari ba Passin.  Terima kasih ke bala Sarakup ke udah nyendia ke iya.

Pn. Itau engau bala iya mantai ke poco-poco sida.

BAla ke datai megai berintai mantai ke poco-poco.

Pn Itau meri tanda pengingat ngagai Ir. Alice ke penemuai SIDS Sibu.  Bisi enggau dia mega kaban aktif ari Passin, Pn. Maria Taloh, ke mega udah chukup kiroh!

Terima kasih ngagai Endu Varra Fred ke ngambi nyadi tkang gambar ke seharinya.  Sekeda gambar-gambar tu diambi iya.

Sunday, July 22, 2012

Kelas Ngaga Tangu ... 22.7.2012

 Kelas ngaga Tangu udah belaboh!!!  Nie bala pelajar?  

Kelas diatur setiap hari enam jam 2 lemai di Rumah SIDS!  Semua diansak datai enggau belajar.  Bai manik & ubon kita empu!!  Datai magang!!


Nemuai ngagai Pn. Monica Giri & Pn. Jeluie .... 22.7.2012

Ngalih hari kena 22.7.2012 tu, bala EXCO & kaban Sarakup bisi nemuai ngagai Pn. Monica Giri & Pn. Jeluie di Sukun.  Pn. Monica kena penusah labuh ari bangku maya ngatur Pekit Pua Kumbu 2012 bulan Mei tu suba, lalu Pn Jeluie, suba Tuai Kawasan Sukun, udah sakit lebih se-taun tang kami enda ulih nemuai asoh iya ketegal iya berubat di Kuching.

Terima kasih ngagai En. Barieng ke udah kiroh ketegal penemuai kami.

Pn Monica (kiba endal) enggau bala kaban Sarakup.

Naib Pengerusi, Pn. Catherine; Naib Pemegai Wang, Pn. Timah & Sekretari, Pn. Uchi berandau sambi ngirup tengahari enggau bala ke bisi datai.

Pn. Jeluie (duduk, kedua kiba), Pn. Monica (duduk ketiga kiba) serta Pengerusi SIDS Sibu, Ir. Alice Jawan (duduk, ketiga kanan) enggau seua bala ke bisi enggau nemuai. 

Borneo Cultural Festival ... 6 - 15 July 2012

Taun tu bala Sarakup enggau baru alam komiti pengatur Borneo Cultural Festival (BCF) 2012 lalu ke taun tu mayoh amat penguji maya ngatur pengawa.  Kami mega diberi tanggungjawab megai Komiti Kumang BCF 2012 serta Komiti Nyambut Temuai (Protokol).  Lantang ati ngah meda semua pengawa mujur magang diatur.

Minta ampun nadai ulih mantai gambar mayoh laban bala ke ngambi iya lalu empai bisi magi gambar ke diambi sida.

Bala Sarakup ke enggau setiap malam ngatur pengawa.  Pn. Catherine Kundau (Naib Pengerusi SIDS Sibu) & bala Exco ke bukai.        

YB Datuk Dr Stephen Rundi bejadi BCF 2012 aba pentas Dayak dikemata ke bala tuai-tuai gerempong Dayak.  Ke bisi enggau lemai nya ianya, Pengerusi SIDS Sibu Ir. Alice Jawan; serta mega Pengerusi SDNU Sibu/Rajang/Sibu Jaya, Pengerusi OUNA, En. Lade Kulong.

YB Datuk Dr Stephen Rundi ngemasuk ke baju burung iya dibantu Cr. Tengku & Ir. Alice.

Friday, July 20, 2012

Tahniah ke Pengerusi SIDS Sibu!!

Tahniah ngagai Pengerusi SIDS Sibu, Ir. Alice Jawan, ke udah kena pilih mangku pengawa nyadi
Presiden, Aum Betaun Besai Bala Indu Methodist, Malaysia 2013 - 2016.

Bala Indu Methodist ari Aum Betaun Iban Sarawak (SIAC) begambar begulai
enggau Pn. Collin Utan (Presiden Bala Indu Methodist SIAC; 4 ari kiba),
Bishop Hwa Yun, Datin Judy Lau (Presiden GCMW 2008-2012),
Pn. Laureen Ong (Presiden East Asia Area Methodist Women), serta  
Ir. Alice (Presiden GCMW 2013-2016 ke baru dipilih)

SIDS Sibu extends our Congratulation to our Chairman, for her being elected as the
President of the General Conference Methodist Women Malaysia 2013 - 2016.