SIDS Sibu Ngulu BGM SIDS di Kuching kena 15.3.2014

BGM SIDS bisi diatur kena 15.3.2014 di Kuching, lalu maya nya bisi SIDS Sibu bisi nganjung 15 pengari serta 13 penambat (observers).  Kami terdiri ari semua bala Exco & Tuai Kawasan.

Tu mantai ke gambar-gambar bala ke bisi enggau maya aum BGM nya:-

BGM ke sekali tu, kitai meda bisi pengubah ke mimit alam barisan EXCO.  Tahniah ngagai Pengerusi SIDS Sibu, Ir. Alice Jawan, ke udah kena pilih nyadi siko ari kaban Exco SIDS 2014 - 2015. 

22nd AGM SIDS Sibu kena 9.3.2014 di Kingwood Hotel, Sibu

Aum Besai SIDS Sibu ke 22 kali

 Bala SIDS Sibu bisi ngatur Aum Besai kali ke 22 di Hotel Kingwood, Sibu kena 9.3.2014 tu kemari.  Maya nya semua Tuai Kawasan enggau 2 orang kaban ari setiap kawasan bisi dikagau enggau baum serta ninga ke seminar 1/2 hari belajar ke pasar nulis minit aum serta ngibun bup kira-kira.

Aba aum nya, Pengerusi SIDS Sibu, Ir Alice Jawan, mega ngansak bala aktif agi enggau ngulu pengawa ke diatur.  Iya madah ke taun tu, mayoh program bisi deka diatur nyengkaum kelas betenun, kelas ngajat, kelas betaboh, serta seminar pemansang ke deka diatur di kawasan siti-siti, kelebih agi kawasan rumah panjai.  Iya mega madah ke penyerakup kitai indu Dayak/Iban patut di 'ibun' kitai enggau manah; laban ari kitai ke berserakup, serta ari kitai ke ngena siti suara - kitai didinga orang & kitai mega dibasa orang.  Iya mega ngenatai ke pengaga ati SIDS Sibu ketegal siko ari kaban udah dipadu ke nyadi Kunselor aba SRDC.  SIDS Sibu meri tahniah ngagai Cr. Lidwina Mathew.

Randau pasal minit enggau akaun diberi oleh Sekretari, Pn. Angelyn Uchi Maseng serta mega Pemegai Wang, Pn. Monica Giri.

Repot tu ditulis Sekretari, Pn. Angelyn Uchi Maseng.