Nemuai ngagai Rumah Sri Kenangan ................. 24.10.2014

Nemuai ngagai Rumah Sri Kenangan kena 24.10.2014

berserimbai enggau Ulang Taun ke 25 SIDS Sibu

Bisi lebih ari 18 orang Exco & kaban SIDS Sibu bisi nemuai ngagai Rumah Sri Kenangan kena 24.10.2014.  Maya sida kin, bisi mai barang utai di empa ke bala penghuni.

Penasihat Pn. Catherine Nain nyua ke pemeri ngagai Penyelia, Pn. Cecelia Sumping.

Farewell Dinner ngagai Penolong Sekretari, Pn. Teresa Noel Suli .... 29.10.2014

Serumpu Beserara Enggau Puan Teresa Suli Noel

Penolong Sekretari SIDS Sibu deka bekejang ke Limbang ketegal ke nitih ke laki iya bekerja din belaboh ari bulan November tu.  Pn. Teresa udah nyadi Penolong Sekretari lebih kurang 5 taun; lalu iya mega siko ari kaban Exco ke chukup aktif, landik, serta mayoh ngator program.  Terubah suba iya selalu ngatur aktiviti nengah Komiti Sosial, lalu diatu mantu alam pengawa ngatur Pekit Pua Kumbu, Gawai, BDCF, serta ke dudi tu kemari Seminar.

 Taja iya diatu diau di Limbang; ketegal teknologi, iya agi ulih berkomunikasi enggau kaban serta agi enggau ngatur beberapa iti progrim.

Kena lemai hari empat tu kemari (29.10.2014); siti makai lemai bisi diatur ke iya enggau laki iya, En. Silas Sumping, di Hotel Kingwood.  Maya nya, iya bisi diberi siti pemeri - shawl pua kumbu.

Penasihat, Pn. Catherine Nain nyua ke pemeri ngagai Pn. Teresa.  Bisi enggau begambar ianya Pn. Angelyn Uchi Maseng (Sekretari) & Pengerusi SIDS Sibu, Dato Ir. Alice Jawan.

Sama-sama kitai besampi iya pejalai seduai ke Limbang selamat; serta besampi ke seduai jampat-jampat bulih transfer pulai ke Sibu!!

Aktiviti SIDS Sibu ... Mei 2014

Pengerami Makai Malam Gawai Dayak Sibu 2014

 Minta ampun ketegal ke laun amat ngeluar ke berita tu alam blog SIDS ketegal mayoh penaggul!  Pengerami Gawai tu kemari diatur enggau chukup rami enggau temuai ti dipebasa ianya YB Tan Sri William Mawan enggau bini iya, YBhg Puan Sri Julia.

Pengerami Gawai tu mega nitih ke taun-taun ke dulu diatur begulai enggau SDNU Sibu Jaya/Rajang/Sibu, OUNA, serta SIDS Sibu ke nyadi tuai ba taun ke terubah tu.

Terima kasih ke sokong semua bala ke malam nya.

TAHNIAH PENGERUSI SIDS SIBU!

SARAKUP INDU DAYAK SARAWAK, PAMPANG SIBU

 Kami ngenatai ke pengaga ati

Pengerusi SIDS Sibu, YBhg Dato Ir Alice Jawan

udah diberi

Pingat Setia Bintang Sarawak (PSBS) 

 kena  13 September 2014 berserimbai enggau hari pengada TYT ke 78 tu kemari.

 

YBhg Dato Ir Alice pengudah nerima pingat ari TYT Tun.

YBhg Dato Ir begulai enggau YBhg Pn. Claudia Janting, YBhg Dato Sri Empiang Jabu & Val.

Munyi ko YBhg Dato, pingat tu di 'dedicate' ngagai SIDS Sibu & Bala Indu Methodist SIAC ketegal berkat enggau kerjasama semua bala ngemaju ke bala kitai indu Dayak nemu nya ari segi pemansang sosial, ekonomi, serta pengidup roh.  

Kitai besama besampi ke Allah Taalah meruan merkat YBhg Dato Ir Pengerusi enggau sebilik iya, lalu besampi ke iya seruran mai kitai nyingkang ngagai pemansang.

Puji Tuhan!

Ditulis Sekretari SIDS, Sibu.