Selamat Hari Krismas 2015 ...

Selamat Hari Krismas serta Selamat Taun Baru

ngagai semua Kaban SIDS Sibu!!

Taun tu penuh enggau aktiviti ke diatur ke ulih penambah ke penemu, ngemansang ke pengidup, ngemerat ke penyerakup semua kitai bala indu Dayak (Iban).  Endang munyi ke aku, penyerakup kitai ke indu tau nyadi ke pemansang setiap iko kitai alam mayoh bengkah cara.  Terima kasih ke sokong semua serta ketegal penyerakup kitai; kitai dibasa serta dipercaya ke bala bukai.  Pengandal aku ba taun ke deka datai, kitai ngemanah ke kaul kitai agi, ngemansang serta meri perangsang ngagai pagan diri ngambi kitai melangkah ke tahap ke tinggi agi.

Besampi mega semua bala kaban bulih berkat Allah Taala ke semua pengawa ke dikerja kitai.

Kami sebilik meri Selamat Hari Krismas ngagai semua kita, besampi ke semua kitai bulih pengasih, pengerai, enggau pengelantang selalu. 

Dato Ir. Alice & Valerie Jawan

Krismas tu kami sebilik mega sempat nemuai ngagai Sekretari SIDS Sibu, Pn. Angelyn Uchi Maseng sebilik.

Ari:

Dato Ir. Alice Jawan

Pengerusi, SIDS Sibu

Aktiviti Bulan December tu kemari ...

 Disember tu kemari mayoh aktiviti ke dikerja serta disokong baka:-

1.  Pre-Krismas Dinner ke diatur SIDS Kuching

SIDS Kuching bisi ngagau ke Pengerusi SIDS Sibu ke mega nyadi Secretary-General SDNU, Dato Ir. Alice Jawan, engau sida ngintu Pre-Krismas di Kuching pun bulan Disember tu kemari.  Mayoh progrim ngerindang ati dipejalai ke sida.  Pengerami mega bisi YBhg Dato Sri Empiang, Datin Senorita, Dr. Gluma Saban .

Lady & Man of the Night nerima prais seduai.

Bala SDGA begambar begulai.

2.  SIDS nerima dua (2) iti anugerah serta siti inclusion alam Bup berserimbai enggau Hari Wanita 2015

3.  6th Tourism Award

Dua (2) iko kaban SIDS Sibu bisi kena shortlisted alam siti ari kategori Tourism Award ba segi kraft ianya Pn. Catherine Kundau & Pn. Rose Chukan ketegal seduai ke bisi berdagang ngemaju ke kraft kitai Dayak.  Meri tahniah ngagai seduai ketegal kena 'shortlisted' alam kategori.  Arap ke taun ke bukai, seduai ulih menang!

Cik Michelle Anthony, Dato Ir. Alice Jawan, & Pn. Catherine Kundau maya nguluk pengerami.

4.  Ngulu Cruise enggau NGO Indu ke bukai

Dato Ir Alice Jawan bisi dikagau ke enggau nguluk pengawa 'cruise' enggau bala gerempong indu ke bukai di Kuching.  Dato Ir. mega siko ari kaban Majlis Wanita Negeri Sarawak, ngari ke SIDS serta indu Dayak.

5.  Pre-Christmas Gathering SIDS Sibu

SIDS Sibu ke betuai ke Cik Michelle Anthony, tuai Komiti Sosial, bisi ngatur program pre-Krismas semua bala kaban ba siti hotel di Sibu. Tema dinner ianya - White Christmas!  Bisi 90 orang kaba SIDS Sibu enggau makai malam nya.

Pn Teresa Suli & Dato Ir. Alice mantai ke pose 'lawa' seduai iya!

Persembahan speciah ari bala Sukun!

Bala anak-anak SIDS Sibu ke bulih pemutus pereksa ke manah mega bisi diberi Duit Perangsang Pelajar.  Malam nya dua (2) iko aja ke bisi datai nerima perangsang seduai.

Bala kaban ari Rejang Park & bala veteran sebedau sida mantai ke main sida!  Terima kasih ke sokong kita!

6.  Pengawa Welfare

Pengawa Welfare bisi pejalai ke dua (2) kali bulan Disember tu kemari.  Kaban SIDS Sibu ngenatai ke penyinu ati ngagai:-

i.  Rumah Augus - Rh. Lidwina, Ng Tutus

Mantu Cr. Lidwina Mathew serumah ketegal rumah panjai sida Rh. Lidwina di Ng. Tutus angus pun bulan Disember tu kemari.  Bisi 14 pintu ke ngena penusah ke dibantu. 

ii.  Nemuai Rabat Indai Pn. Margaret Jara

Sekeda bala Exco & kaban SIDS Sibu mega bisi nyengguk Tuai Kawasan Sentosa, Pn. Margaret Jara, ketegal pemati indai iya.  SIDS Sibu ngenatai ke penyinu ati ngagai sida sebilik (En. Anthony Banyan sebilik).

SIDS Sibu nemuai ngagai Melanggan, Sibu

Kena 15 November 2015 tu kemari bisi nemuai ngagai bala SIDS Sibu di siti rumah panjai di Melanggan.  Terima kasih ngagai Penasihat, Pn. Catherine Nain, enggau Secretari, Pn. Angelyn Uchi Maseng, ke ngulu ke bala kin.  Pengerusi nda ulih nurun ketegal pengawa ke ngenyit di Kuching.  Sambut bala tuai rumah & bala sida ke indu, chukup manah.

Sambutan Hari Wanita Peringkat Negeri Sarawak taun 2015

Sambutan Hari Wanita Peringkat Negeri Sarawak taun 2015 udah diatur kena 17hb Oktober 2015 tu tadi ba Borneo Convention Centre Kuching. Pengawa tu udah dipejadi olih YAB Datuk Patinggi Tan Sri Adenan Satem, Ketua Menteri Sarawak.

Mayuh macham program udah diatur maia pengawa tu tadi. SIDS berbangga laban udah bulih 2 iti anugerah maia nya, iyanya Anugerah Ketua Menteri Pertubuhan Cemerlang, diterima olih SIDS enggau Anugerah Ketua Menteri Kepimpinan diterima olih Dato Ir. Alice Jawan, Pengerusi SIDS Pampang Sibu.

Syabas enggau Tahniah ngagai Dato Pengerusi SIDS Pampang Sibu, bakanya mega ngagai semua kaban SIDS ke udah merealisasikan penghargaan ngagai SIDS sebagai pertubuhan wanita cemerlang.

VT pencapaian Dato Pengerusi SIDS Sibu

Sida penerima anugerah bergambar enggau VVIP

Bala SIDS Sibu bergambar enggau penerima Anugerah Ketua Menteri Kepimpinan Wanita iyanya Dato Ir. Alice Jawan

Dato Ir. Alice Jawan betabi enggau bini Ketua Menteri

Dato Sri Empiang Jabu nerima Anugerah Pertubuhan Wanita Cemerlang (SIDS)

Borneo Dayak Cultural Festival (BDCF) 2015

Taun 2015 tu genap taun ke-12 BDCF diadu beserimbai enggau Borneo Cultural Festival (BCF) anjuran Majlis Perbandaran Sibu (MPS). Taun tu, BDCF diadaka ari 30 Ogos 2015 ngagai 5 Ogos 2015. Pengerami tauka festival tu diator ba Dataran Bandar Sibu Fasa I, tengah pasar Sibu. SIDS Sibu antara NGO Dayak ke aktif enggau ngatur pengawa tu tiap taun. Mayoh macham pengawa baka persembahan ngajat, betaboh, belagu, Pekit Kumang enggau Pekit Keling deka diator maya pengerami tu.

Parade tauka perarakan berpakaian tradisional udah diatur olih sida MPS kena nandaka berengkah pengawa BDCF taun tu.

Anak-anak Sarakup ngemantaika main asal bansa Iban:

Kaban Sarakup mega terlibat enggau pekit betaboh sereta bejual ba gerai di BDCF:

Randau Pengerai enggau Peresa Pengerai ba Poliklinik Lanang, Sibu

Randau sereta peresa pengerai udah dipejalaika olih Komiti Pengerai SIDS Sibu ba Poliklinik Lanang, Sibu kena 31 Julai 2015 tu tadi. Urung 30 iko kaban SIDS Sibu sampal enggau ninga ke randau sereta meresa pengerai sida maya pengawa tu tadi, SIDS Sibu deka meri besai terima kasih ngagai bala pengurusan, doktor, misi sereta staf poliklinik ketegal pemanah sida iya nulong sereta meri kerjasama dalam atur pengawa tu. 

Bala SIDS & Anak SIDS nerima Perangsang Pelajar SDNU kena 4 Julai, 2015

SIDS Sibu meri besai terima ngagai SDNU Sibu ke udah meri Perangsang Pelajar ngagai semua bala anak-anak & kaban SDNU enggau SIDS ke bulih pemutus pereksa UPSR, PT3, SPM, STPM nyengkaum mega bala anak/kaban ke bulih Diploma, Saujana Muda & Saujana alam taun 2014 tu.

Ke taun mayoh bala bisi nerima perangsang pelajar alam pereksa perintah ianya ke dipeda malam 4 Julai 2015 tu kemari:-

• Anak Pn. Manjenah Ansi (Rejang Park)
• Anak Dato Ir. Alice Jawan (Maludan/ Pengerusi SIDS Sibu)
• Sekeda bala anak-anak kaban ari Kawasan Aup (minta ampun nama enda ingat)

Bala anak-anak ke nerima ketegal bulih diploma ianya:-

• Anak Pn. Priscilla Bunsi David (Penasu)
• Anak Pn. Angelyn Uchi Maseng (Rejang Park/ Sekretari SIDS Sibu)

SIDS Sibu mega meri TAHNIAH ngagai Tuai Kawasan Pasai, Cik Lynner Andrew, ke mega nerima Hadiah iya ketegal udah bulih Saujana Muda!! Kitai sigi merangsang kaban SIDS belajar baru!

Bala anembiak & apai/indai anembiak ke nerima Perangsang Pelajar SDNU 2014.

Alam gambar diatas mega bisi Pn. Angelyn (8 ari kanan), Cik Lynner (7 ari kanan), 

& Pn. Bunsi (depan, 6 ari kiba)

Endu Valerie, anak Dato Ir. Alice, nerima perangsang pelajar iya.

Tahniah ngagai semua penerima.

Besampi ke kita mujur alam pelajar kita ke deka datai!

Hari Keluarga SIDS Sibu kena 4 Julai 2015 di Pantai Belawai

Hari Keluarga SIDS Sibu 2015

 Hari enam tu kemari, kena 4 Julai, kami sebuat bisi ngatur Hari Keluarga SIDS, Sibu, lalu pejalai kami ianya ngagai Pantai Belawai.  Pantai ke chukup manah serta bersi serta ai tasik ke biru; tang ke lebih ianya kitai begulai enggau pagan diri.  Bala ari Kawasan Maludan, Seduan, Sentosa, Pasai, Aup, Penasu & Rantau Panjai bisi nurun.  Kira-kira 110 tubuh kami, nyengkaum bala anak & laki.  Terima kasih ke bala anak-anak & bala apai-apai ke bisi enggau, ke nulong bala kami sebuat BBQ!

Program tu diatur begulai Komiti Membership, Komiti Sukaneka & Komiti Sosial - lalu program tebing pantai ke diatur ianya main sukaneka, ngaga 'castle, karaoke, serta tak bersulu, berandau enggau pagan diri.

Terima kasih Pn. Angelyn Uchi, Pn. Priscilla Bunsi, Cik Claudia & semua tuai-tuai kawasan ke udah mantu alam progrim tu!  Terima kasih ngagai bala - Pn. Magdalen Sigi, Pn. Monica Giri, Pn. Loryna Leman, Pn. Catherine Nain, ke udah sponsor prais main; ENGGAU Pengerusi, Dato Ir. Alice Jawan ke udah sponsor tupi ke semua bala!

Jam 6 pagi bala udah beranti ba Airport lama.  Bala Exco sebedau bekejang.  Bisi 18 iti kereta kancil, van, double cabin, serta macam saiz & color berintai-rintai sepanjai jalai ke Belawai

Bala Exco bersedia ka bekejang!

Bala Exco begambar sebedau bermain.

Sekeda bala ke enggau ke Pantai Belawai.  Sekeda malu, serta nyadi paparazi & anakrazi! :)

Bala ke enggau bepekit ngaga 'castle'!  Pantai bala ibu2 ngaga castle.

Bala anak & kaling & kaban - tukang BBQ. Terima kasih semua.

Menu chef-chef kami merarau ngalih hari ianya - tunu sayap manuk, salad manuk bawang, pansoh manok, timun bersambal, hotdog, enggau ikan tunu.  Lenggis sekali utai, nyengkaum buah-buah ke disedia ianya semangka & pisang!  Sapa agi ka BBQ, tau ngagau ke sida tu ila!

Anang nanya nama pengawa Endu Claudia - posing meh nya!!  Stedi Endu!

Pemenang Sukaneka nerima praiz ari Dato Ir Alice Jawan, Pengerusi SIDS Sibu.  

Sekali agi, terima kasih ke semua bala ke enggau, pengatur & sponsor.  Terima kasih ngagai Pengerusi Dato ke ulih limpang enggau kami.

SDNU 34th Triennial Assembly 2015

Perhimpunan Tri-Tahunan ke-34 SDNU (SDNU 34th Triennial Assembly) udah nyadi kena ke 17 Mei 2015 tu tadi. Tahniah ngagai bala Sarakup ke udah diberi trust megai 4 iti penuduk dalam SDNU Supreme Executive Committee.  Puji Tuhan sereta besai tahniah ngagai Pengerusi SIDS Pampang Sibu iyanya YBhg. Dato' Ir. Alice Jawan laban udah dilantik nyadi Secretary General SDNU, keterubah iya kaban Sarakup megai penuduk tu. Syabas enggau tahniah! With the recently elected committee, our hopes are high for SDNU's vision & resolutions to be realized, along with developing our community inline with our country's vision towards a developed and high income nation. Congratulations again and may God bless our journey.

Meeting EXCO SIDS Sibu 2/2015

EXCO SIDS Sibu udah ngatur ke makai lemai sereta motong kek birthday maya meeting EXCO ke-2 taun 2015 beserimbai enggau Hari Ibu sereta nyambut hari pengada bala EXCO SIDS Sibu ke ada bulan May, iyanya Pn. Catherine Nain (Penasihat SIDS Sibu) - 6 May, Dato' Ir. Alice Jawan (Pengerusi SIDS Sibu) - 25 May enggau Pn. Angelyn Uchi (Setiausaha SIDS Sibu) - 28 April. 

May God bless them and their families always