Makai Malam Gawai Dayak, Bahagian Sibu 2013

Pengerami Makai Malam Gawai Dayak Sibu 2013 

Haribulan:  26 Mei 2013 (Hari Minggu)

Endur:  Kingwood Hotel, Sibu

Jam:  6:30 pm - 11:00 pm

Tiket Mija (10iti/semija) dijual enggau rega:

RM550.00/ RM500.00/ RM450.00

Tiket ulih dibeli ari: Pn. Uchi Maseng (Tel:016 882 5861)

 

Bala ke deka ngulih ke gelaran 

Kumang Gawai Dayak Sibu 2013

enggau

Keling Gawai Dayak Sibu 2013

ulih ngambi borang pekit ari:

Pn. Uchi Maseng (Tel:016 882 5861)

& En. Barieng Balai (Tel:013 810 7234)

Program Malam Gawai nyengkaum:

• Main Asal ari SIDS Sibu & OUNA Sibu
• Nyua ke Perangsang Pelajar ke bala anak Dayak ke bulih pemutus pereksa ke manah
• Pemutus Pekit Pua Kumbu Sarawak 2013 

 

• Penyanyi Iban Sensasi

 Tahniah mega ngagai SIDS Sibu ke sekali agi diberi pengarap ngenuai ke pengerami Gawai Dayak ke taun tu.

Aram sama-sama datai ngerami malam.

Malam 'Fellowship' SIDS Sibu - Kawasan Rejang Park ..... 6.3.2013

Kena hari enam tu kemari, ianya 6 Mac 2013; bala kaban SIDS Sibu Kawasan Rejang Park bisi ngatur 'Fellowship Nite' kelebih agi ke kaban ari kawasan Rejang Park.  Bisi dibai begulai serumpu ianya mega kaban ari kawasan bukai baka Teku, Bukit Besai, Maludan, Sukun, Sibu Jaya, Permai, serta Aup.  Bala ke bukai nadai bisi dipeda nyangka ketegal endor mit, enda kena kagau ke sekali tu.  Lemai tu kemari mega bala SDNU bisi sama-sama enggau ngulu pengerami.  Terima kasih ke penatai serta sukong semua.

Temuai ke dikagau maya pengerami tu ianya, YB Datuk Gramong Juna, Menteri Muda Pelancongan serta Menteri Muda Kemajuan Tanah Sarawak, lalu maya iya ngenatai ke pesan - iya ngenatai ke pemerat penyerakup serta kaul enggau pagan diri.  Maya tu, iya mega bisi meri geran perintah RM5,000.00 ngagai SIDS Sibu Kawasan Rejang Park.  Terima kasih YB Datuk ke pemeri nuan tu; awak ke Allah Taalah merkat nuan/sebilik selalu.

Nyambut penatai YB Datuk Gramong Juna.

Pn. Catherine Nain Abit, Pengerusi Pengatur Pengerami, alam jako pengelalu iya mega bisi nerang ke cerita pasal penubuh SIDS Sibu alam taun 1988.  Kawasan Rejang Park tu siti kawasan ke terubah, lalu mayoh kaban ianya kaban pengasas Sarakup.  
 

Pn. Catherine Nain Abit, Pengerusi Pengatur pengerami.

Ir. Alice Jawan, Pengerusi SIDS Sibu, mega bisi ngenatai ke seleka dua pesan ngagai bala SIDS/SDNU.  Iya mega ngenatai ke ke jako senentang penting 'leadership' Sarakup/SDNU ngerempung bala Dayak/Iban ke di Sibu.  'Leadership'/Tuai patut ngembuan perangai ke ulih dipercaya serta dikarapka (honesty, trustworthy, etc).
 

Pengerusi SIDS Sibu Ir Alice ngenatai ke pesan iya.

Mija VIP maya Fellowship

Pn. Molly Dau, Pemegai Wang ke dulu nerima pemeri/gift ari Pengerusi.

Bala SIDS SIbu Kawasan Rejang Park ke nyambut hari pengada ari bulan 1 - 4.

Ex_Cr Daisy Takin (depan, kebaya hitam/merah), siko ari 'pioneer' SIDS Sibu mega bisi enggau nyambut hari pengada.  Pn. Daisy berumur 70 taun.  Pn. Uchi (Sekretari, baju kebaya merah bercermin mata) mega nyambut hari pengada, umur - rahsia ko iya!  Pn. Magdalene Sigie, Tuai Kawasan Rejang Park, mega nyambut - umur iya enti kita terteka, iya meri prais ko iya! :)

Siko ari kaban ke nerima gelaran 'best dress' ke malam nya.

Semua bala berpoco-poco di ulu ke YB Datuk Gramong, Ir. Alice, Pn. Magdalene Sigie (baju pink), & Pn. Evelyn (kebaya merah)

Tahniah Kawasan Rejang Park ke udah ulih ngatur progrim ke chukup manah; serta terima kasih ke semua bala kaban ke udah datai nyukong pengawa.