Kawasan Baru ... Rantau Panjai

Nuka setiap ujung minggu, bala Sarakup bejalai nemuai ngagai sekeda rumah panjai semak pasar Sibu ngerja ke pengawa Sarakup.  Pengawa tu ianya, betemu & berandau enggau bala indu kitai Dayak/Iban pasal tuju/objektif Sarakup, cara ngemansang ke pelajar anak, pemansang pelajar diri empu kena nambah ke penatai pemisi, serta mega nge-erat ke kaul antara diri sama diri.  Selalu bala nemuai ngagai rumah-rumah panjai atas peminta bala indu di menoa nya ketegal sida bisi pengerindu ati ka enggau berSarakup serta ngemansang ke diri/sebilik.

Minggu tu tadi, kena 20.2.10, bisi kira-kira 30 raban bala Sarakup ari pasar Sibu, Naman, Ulu Teku, Penasu, Pasin, Pasai Siong, & Aup bisi enggau ngulu pengerami Bejadi Kawasan Rantau Panjai.  Tu kawasan ke 18 di SIDS.

Kawasan Rantau Panjai tu bisi 6 buah rumah panjai ianya Rh Mathew Maja, Merikan, Frankie, Anchong, Chinda, & Nyanau; lalu kediatu semina bala indu ari 5 buah rumah panjai aja bisi enggau.  Ngarap ke bala ari rumah panjai ke siti nya ulih enggau berSarakup maya sida iya udah bersedia.  Pemayoh bala kaban baru ari Rantau Panjai ianya 52 orang; lalu tuai ke dipilih sida ianya Pn. Loryna Leman.  Pn. Loryna tu udah enggau nyadi kaban Sarakup nuka 9 taun!  Sarakup meri besai terima kasih ngagai Pn. Loryna ke udah ngerempong bala kitai indu Iban di Rantau Panjai.  Tu nanda ke mega pemansang kitai indu - ulih ngiring/nyerakup ke bala ('development of leadership quality') - ke endang di 'ajar' serta mega diperangsang ke. 

Pemayoh bala kaban & bala anembiak rumah panjai ke bisi enggau ba pengerami nya bisi lebih kurang 100 orang nyengkaum sida ke lelaki & anak biak.  Terima kasih ngagai ex-Penghulu Maja, TR Mathew Maja & TR Marikan ke nyukong pengawa bala indu & ke penatai sida maya pengerami tu.  Pengerami bejadi kemari diatur aba Rh. Mathew Jana.

TR Mathew Maja & Pengerusi SIDS, Sibu Ir. Alice bejadi SIDS Sibu Kawasan Rantau Panjai.

Gambar begulai: (kiba - kanan) TR Mathew Maja, Pn. Loryna Leman (Tuai Kawasan Rantau Panjai), Ir. Alice Jawan (Pengerusi, SIDS, Sibu), Pn. Monica Giri (Naib Pengerusi SIDS Sibu)

Pengerusi ngajat maya ngerebah ke ranyai.

Pemegai Wang, Pn. Magdalen Sinah, besaup ngerebah ke ranyai.

Sekretari, Pn. Uchi Masing, mega bisi enggau.

Kaban ari Rantau Panjai ngena baju seragam sida begulai enggau bala ari Penasu.

Bala Kaban & bala rumah panjai.

Begambar begulai enggau EXCO SIDS, Sibu.

Terima kasih ngagai bala SIDS Sibu Kawasan Rantau Panjai ke udah kiroh nyendia ke makai tengahari ke chukup manah.  Lauk ke disedia ke sida ianya kasam empasa, empasa goreng, ikan lulun, keladi, kuyuk rebus & kari manok.  Terima kasih mega ke Pn. Loryna & En. Gerunsin ke udah nyedia ke "ai Rantau Panjai" ke bala!!  :D  

Penemuai Taun Baru Cina 2010 ...

Pagi tu tadi, beberapa bala EXCO & kaban SIDS, Sibu bisi ngabang taun baru cina ngagai YB Dato Sri & Datin Sri Wong Soon Koh, YB Datuk Tiong Thai King & YB En. Vincent Goh aba Dewan Suarah Sibu.  Cukup meriah pengerami ke diatur enggau bemacham pemakai di ernah ke sida stail kedai mit.  Mayoh macam pemakai baka: daging masak hitam, curry, meehoon goreng, oren mandarin & ai manis kotak disadong sida.

Taun baru, ngarap ke mayoh agi bala EXCO & kaban ulih enggau. 

Bala exco & kaban begambar enggau YB Dato Sri Wong Sooh Koh, YBhg Datin Sri Poh, YB Datuk Tiong TK & YB En. Vincent Goh.  Bisi enggau ngabang mega bekas YB En. Jawan Empaling & bini iya.

Pn. Bunsi & anak 'bujang' iya, Pn. Tengau, Pn. Uchi, Pn. Monica & Ir. Alice benong nyepi pemakai!  Sedap amat gamal pemakai .. anang-anang 2 kali ngambi sida tu legi!  Cik Lynner mega bisi datai, tang ketegal iya laun enda sempat enggau begambar!

Berbaris ngambi pemakai/ai irup ke dihidang stail gerai mit.

SIDS Sibu - Kawasan Ulu Teku Ngenap 1 Taun!

SIDS Sibu Kawasan Ulu Teku diatu udah ngenap setaun ditubuh enggau pemayoh kaban bala indu kitai ari Rh. Chukan & Rh. Asing ianya 54 orang.  Bala EXCO & bala tuai-tuai kawasan ari Rejang Park, Penasu, Rantau Panjai & Aup bis enggau kami duai Sekretari, tengahari tu tadi.  Lebih 40 orang bala indu, sida ke laki enggau anak mit ari kedua iti rumah panjai tu bisi enggau ngulu aum taun tu tadi.


Maya aum nya tadi, bala di SIDS Sibu, Ulu Teku bisi mega nyerah ke borang kaban baru; kira lima iko sida bala indu ke enggau masuk baru.  Kelimpah ari borang masuk, Pn. Rose Chukan ke kena pilih baru nyadi Tuai Kawasan di Ulu Teku ditu mega bisi nyerah ke repot taun sida iya.


Bala Exco begambar begulai enggau bala sida kaban ari Ulu Teku.



Pengerusi SIDS, Sibu, Ir. Alice nerima pemeri ari Tuai Kawasan Pn. Rose.  Bala anak-anak Sarakup lengkap be-ngepan!

Exco Kawasan Ulu Teku 2010/2011

Terima kasih ngagai bala Sarakup di Ulu Teku ketegal sambut ke manah amat tengahari tu tadi. 

Aktiviti Minggu Tu ...

SIDS, Sibu deka ngerja 2 iti aktiviti nemuai ngagai bala kaban di Bukit Besai & Ulu Teku ujung minggu tu.  Semua bala diansak enggau ngulu penemuai tu ngambi kitai sama bekelala enggau bala kaban di dua iti kawasan tu. 

Enti ka nemu lebih agi pasal pejalai tu, ulih nanya aba Sekretari & Penolong Sekretari tauka email ngagai kami ditu.  Peda mega aba post Perambu Aktiviti kena 7.1.10 tu suba.

Terima Kasih, lalu betemu ujung minggu tu.

Ari Pengerusi SIDS, Sibu.

Pengerusi SIDS di London ...

Pengerusi SIDS, Sibu, Ir. Alice Jawan, minggu nyin kemari bisi di London ketegal pengawa iya ngulu aum besai pasal NRW.  Iya bisi ngenatai ke siti kertas kerja pasal pengawa NRW ari opis iya.  Kitai meri Tahniah asoh iya ketegal iya siko ari indu Dayak/Iban kitai ke landik serta selalu mantai ke kertas kerja alam aum-aum antarabangsa.