Seminar 1/2 hari di Rh. Chendang Ak Ambau, Sg. Assan, Sibu ........................ 15.2.2014

 Kena hari enam tu kemari, 15.2.2014 di Rh. Chendang Ak Ambau di Sg. Assan Sibu.  Seminar 1/2 hari tu diatur begulai enggau Bala Indu Gereja Methodist Ng. Assan, Kedada & Latap. 

Lebih kurang bisi 100 orang bala indu ari SIDS Sibu enggau bala ari Gereja Ng Assan, Kedada & Latap.  Gereja tu di menoa pesisir enda jauh ari Sibu; serta pemayoh kaban sida lebih kurang 40 orang.  Paderi ke megai gereja nya, ianya Paderi Elizabeth Enjut mega bisi enggau maya nya.  Tu meh seminar ke terubah diatur begulai.  Tuju seminar tu ianya ngeremai (awareness) ke penemu bala indu ke lebih agi ke di menoa pesisir.  Bisi lebih kurang 50 bala ari pasar ngejung bala di Assan.
 

Gambar begulai.

 

Ms Jenny Qua, Executive Secretary Methodist Church Malaysia, mai kertas kerja ke tendang, 'Foundation of Leadership' ianya asas nyadi tuai.  Iya meri penerang berpandu ke bup kudus.

 Pengerusi SIDS Sibu ke mega megai pengawa sebagai Presiden, Aum Betaun Besai Bala Indu Methodist Malaysia (GCMW) mega bisi mai kertas kerja senentang peramba SIDS & GCMW; lalu bakani kitai ulih nyatu/ nyaum ke peramba kitai gerempong indu Dayak.  Iya mega nerang ke tuju/visi kitai semua sama - Ngelala Jaku Tuhan lalu Ngremai ke Jaku Tuhan ari sigi kitai Keristian serta

Ngemansang ke kitai Indu Dayak alam pemansang sosial, ekonomi, adat, penemu (nyengkaum pengidup roh) serta pelajar.  Tu semua ulih dipegulai ke kitai laban tuju ke manah ianya nyerakup ke bangsa, menoa & negara.

Pn. Ensiamu nyua ke tanda pengingat ngagai Pn. Catherine Nain

Pn. Uchi mega nerima cendrahati ari Tuai Bala Indu, Pn. Gulin

 Pn. Uchi mai siti kertas kerja pasal kaul semua gerempong kitai indu Dayak.

Pn. Teresa nerima cendrahati iya,

 Pn. Teresa Suli Noel mai siti kertas kerja tentang pemansang Kraftangan Dayak lalu bakani kitai ulih ngemansang ke pengawa tu.

Pn. Hilda nerima cendrahati iya ari Pn Gulin.

 Pn. Hilda Ijai, siko indai ke berjaya, mai randau pasal Peranan Apai Indai alam Pelajar Anak-Anak.  Iya mega bekongsi ke cara-cara iya ke nadai sekula formal ngibun bala anak-anak iya sampai ke semua 8 graduan ari universiti luar negara magang.

SIDS Sibu meri besai terima kasih ngagai :

• TR Chendang Ak Ambau di Sg. Assan Sibu ketegal udah nyambut kami sebuat enggau naka iya pemanah
• Bala Indu Gereja Methodist Ng Assan, Kedada & Latap ke mela pemakai serta ngatur pengawa tu begulai
• Paderi Elizabeth Enjut, paderi Gereja Ng Assan, Kedada & Latap
• semua bala 'speakers', Ms Jenny, Mdm Hilda, Mdm Uchi, Mdm Teresa serta Pengerusi SIDS Sibu, Ir. Alice
• semua bala indu di Assan & kaban SIDS Sibu.

Alam jako-jako kertas kerja & penutup bala mayoh; endang tepat, endang betul maya sida madah ke Pengerusi SIDS Sibu kitai, Ir. Alice Jawan, udah jauh mai kitai bala indu Dayak kelebih agi di Sibu tu mansang serta mega merangsang bala kitai SIDS/indu Dayak ari menoa bukai.  Pemansang kitai tu endang ketegal kitai semua bersarakup serta kitai bisi tuai ke berperampa (visionary leader). 

Terima kasih ngagai Bala Indu Methodist ke udah meri bala tanda pengingat.

 

Besampi ke Allah Taalah seruran ngibun serta ngemansang ke semua kitai.

 

Gambar sekeda ari koleksi Tuai Kawasan Ulu Teku, Ms Rose Chukan.