AGM SIDS Sibu ke 18

Sehari tu, SIDS Sibu ngatur seminar 1/2 hari & aum besai.  Bisi 260 bala indu/kaban Sarakup bisi enggau ngulu pengawa tu.  Semua pekara mujur magang.  GOH ke dikagau ianya YB En. Joseph Mauh Ak Ikeh, ADUN N52 TAMIN.  Dibaroh antara pengawa ke dipejalaika.

Nyua ke duit perangsang pelajar ke anak kaban.  Bisi 19 iko anembiak di beri duit perangsang ari peringkat UPSR, PMR, SPM & STPM enggau ungkos RM1,940.00.  Bala anak ke nerima taun tu lebih untung ketegal duit perangsang baru ditiki ke antara RM20-RM30 alam siti-siti peringkat.  Tahniah ngagai bala anak-anak & indai-indai.    Tu gambar sekeda bala indai/inie nerima perangsang pelajar ngari ke anak/uchu sida.

YB En. Jospeh Mauh nyua a duit perangsang pelajar.

Tuai Kawasan Penasu, Pn. Imu nerima sijil seminar.

SIDS Sibu EXCO 2010/2011

Kiba-kanan:  Pn. Priscilla Bunsi David (kaban exco),

Pn. Rosalyn Sandah (kaban exco), Pn. Sitie Tuba (kaban exco),

Pn. Catherine Kundau (Penolong Sekretari), Pn. Angelyn Uchi Maseng (Sekretari),

Ir. Alice Jawan (Pengerusi), Pn. Monica Giri (Naib Pengerusi),

Pn. Magdalen Sinah (Pemegai Wang), Pn. Timah Unggit (Penolong Pemegai Wang),

Pn. Magdalene Sigie (kaban exco), Cik Lynner Andrew (kaban exco)

Bala bujang paku lawang SDNU Sibu

Terima kasih ke bala EXCO & kaban SDNU Sibu.  di ketuai ke 

En. Chambai Lindong ke nulong maya Bepilih EXCO SIDS, Sibu. 

Tahniah mega ngagai En. Chambai, Cr. Tengku Gruna (sepiak kanan En. Chambai) &

En. Augustine Merikan (sepiak kiba En. Chambai) ke mega baru dipilih baru megai

pengawa ke setaun dah agi.

En. Saing Embun beraksi mantai ke kertas kerja iya.

Ir. Alice nyua ke tanda terima kasih ngagai En. Saing. 

En. Saing mega siko ari pegawai kaunselor sekula SMK Bkt Lima, Sibu

lalu iya mega Sekretari SDNU,Sibu.

Paling kiba, Pn. Catherine Nain, penasihat SIDS Sibu

AGM SIDS Sibu ke 18

SIDS Sibu deka ngatur AGM ke 18

kena 27.3.2010

aba Hotel Paramount

belaboh ari jam 1:30 lemai ngagai 5:00 lemai.

Pagi ari jam 8:00 - 11.30, siti Seminar 1/2 hari deka diatur aba endor ke sama.  YB En. Joseph Mauh deka datai Nutup Seminar & Bejadi AGM SIDS Sibu ke 18 belaboh ari jam 11.30 pagi aba Hotel Paramount.

Kira-kira 360 bala indu/kaban Sarakup deka enggau ngulu Seminar & Aum.

Ngulu Women Forum

Pn. Catherine Kundau (Pen. Sekretari), Pn. Magdalen Sinah (Pemegai Wang), Pn. Roselyn Sandah, Pn. Timah Unggit (Pen. Pemegai Wang), Ir. Alice Jawan (Pengerusi SIDS, Sibu), & Pn. Priscilla Bunsi

[Nadai alam gambar - Pn. Christina Abang]

Hari dua tu kemari, kena 23.3.2010, bala Sarakup bisi enggau ngulu Women Forum di atur di Sibu oleh Biro Wanita.  Kira-kira 150 orang bala indu ari opis perintah & gerempong indu bukai.  Kertas kerja ke dibantai amat manah serta nguntung ke bala indu/indai. 

AGM SDNU 21.3.10 di Paramount Hotel, Sibu

Ngalih hari tu tadi, SDNU Sibu ngatur Aum Besai aba Hotel Paramount, Sibu lalu bala kaban ke enggau ngulu pengawa tu bisi kira-kira 176 orang.  Dipeda mata kasar, bala Sarakup ke enggau baum lebih 50%.  Terima kasih ke penatai semua bala Sarakup.  Anang enda ingat AGM SIDS Sibu kena 27.3.10 aba endor ke sama. 

Maya bejadi aum, YB Datuk Gramong ngari ke YB Datuk Douglas bisi meri geran perintah RM10,000.00 ngagai sida iya.  Munyi ko Pengerusi sida, duit tu deka dikena maya Forum Pelajar taun tu. 

Batang randau aba aum mega bisi nyangkut pasal pemansang Rumah Dayak, ke deka diatur aba tapak semak airport lama suba.  Bala di ingat ke batang tuju meri tanah serta mega Rumah Dayak tu.  Tuju ianya ngena ngelai ke kitai Dayak/Iban di Sibu ke nyadi menoa penatai aba 'central region' tu; lalu juluk ati suba enda ngaga siti endor kediri baka dewan endor begempuru tauka mantai ke main asal kitai Iban. 

Ngarap ke bala ke ngatur pasal Rumah tu ngatur iya enggau manah serta 'transparent' ngambi semua bala kaban nemu.  Lalu semua/majority bala kaban gaga ati ke pemansang alam tu.

Pengawa bepilih EXCO 2010/2011 berjalai enggau mujur.   Meri tahniah ngagai bala EXCO SDNU Sibu ke diketuai ke En. Chambai Lindong ke nyadi Pengerusi ke penggal ke 2.

Temuai ti dipebasa ianya YB Datuk Gramong Juna (wakil YB Datuk Douglas Uggah)

Bala EXCO SIDS Sibu ke bisi enggau ianya Pn. Hilda Ijai, Pn. Catherine Nain,

Pn. Magdalen Sinah, Pn. Monica Giri, Pn Angelyn Uchi (enda dipeda)

serta Pengerusi SIDS Sibu (pengambi gambar)

Gambar bala ke enggau baum.

Sekeda bala kaban, Tuai Kawasan, & EXCO  SIDS Sibu

Bala EXCO SDNU Sibu bejalai ke aum.  Ari kiba - En. Saing (Sekretari),

En. Chambai Lindong (Pengerusi), En Tengku Gruna (Naib Pengerusi),

En. Augustine Merikan (Pemegai Wang)

Kaban Komiti SDNU Sibu 2010/2011

(Apai2 ke sigat2 magang; ila ngasoh sida betanding enggau Keling SDNU!)

Lawatan YAB Perdana Menteri Malaysia ke Sibu

23 Februari tu tadi, YAB Perdana Menteri Malaysia enggau bini iya bisi nemuai ke Sibu.  Bala kaban SIDS, Sibu bisi enggau nyambut seduai ba Lapangan Terbang Sibu.  Terima kasih ngagai kaban SIDS ke bisi datai sarinya.

 

Sekeda ari kaban SIDS Sibu ke bisi enggau maya nyambut penatai 

YAB Perdana Menteri Malaysia enggau bini.

Endu Michelle (ngena ngepan) begambar enggauYB Senator Dato Sri Empiang Jabu, Chairman SIDS (yay!!!)  :D

Bala ke ngena pakaian tradisional