Penemuai bulan November tu ....

Bulan tu kami bisi ngatur 3 iti penemuai ngagai bala kaban serta mega bala bukai.  Titi ari pengawa Sarakup ianya ngingat ke bala kaban tauka kitai Dayak ke bisi kena penusah serta mega nemuai ngemanah ke kaul pagan diri.

1.  Nemuai asaoh Pn. Catherine Nain, Penasihat SIDS Sibu kena 25.11.2011

Beberapa iko kami bisi nemuai ngagai Pn. Catherine laban ke nuh lelenggau ke iya serta mega ngabas En. Douglas Jerukan ke baru pulai ari Kuching berubat.  Terima kasih ke sambut sida sebilik ke bala kami; serta mega pemeri sida.  Ko jako kami mai pemeri, ketegal penelap/penyinu sida - SIDS mega diberi sida iya pemeri.  Besampi ke Allah Taalh ngibun sida sebilik.

Enggau nemuai maya nya mega ianya Temenggong Adrian Ringgau (kiba)

 enggau Pn. Hilda Ijai (penasihat SIDS Sibu) enggau sekeda bala EXCO.

2.  Nemuai ngagai Rh. Belayong, Ng. Dap kena 26.11.2011

Bisi kira-kira 30 iko bala SIDS Sibu nemuai asoh Rh. Belayong, Ng Dap kena 26.11 ketegal peminta En. Albert Willy.  Taja gaya penyendia sida lain, bala ke nurun chukup gaga betemu enggau bala indu sida ke din ke ka enggau ber-Sarakup.  Sida SIDS Kanowit deka ngatur sida, laban rumah panjai tu di bahagian Kanowit.  Terima kasih ke Tr Belayong ke kiroh nyambut kami.  Maya din, kami sempat ngemantai ke pengawa Pekit Pua Kumbu nyangka bisi bala sida ke ka enggau berpekit.

3.  Ngabas bala ke angus di Sentosa kena 18.11.2011

Tuai Welfare SIDS Sibu, bala kaban ari Sentosa serta Pengerusi SIDS Sibu bisi nemuai serta nyua ke pemeri 'welfare' ke 3 iko bala ke kena rumah angus di Sentosa empai lama tu suba.

Pengerusi, Ir. Alice Jawan, nyua ke pemeri ngagai siko ari sida ke kena tusah rumah angus.

Seminar Pemansang Indu Dayak kena 19.11.2011

Hari enam tu suba, kena 19.11.2011; SIDS Sibu bisi ngatur siti seminar ke bala kaban enggau bala PITSA Sibu (5 iko aja dibai ari gerempong tu).  Seminar nya chukup manah kena nyekap bala indu Dayak/Sarakup enggau penemu alam 3 iti perkara ianya - adat melaki bini/belanja anak, ngemansang ke diri enggau berdagang alam industri dagang temuai (tourism opportunities), serta ke penudi iya jako merangsang (motivational talk).

Bisi 110 orang bala Sarakup enggau 5 orang bala PITSA Sibu (persatuan ibu tunggal) enggau maya nya.  Seminar tu mega disokong oleh Biro Wanita Sarawak.  Meri besai terima kasih ke semua bala penceramah & Biro Wanita ketegal bantu alam pekara tu.



En. Campbell Apau, siko ari penceramah, ngenatai ke ajar motivasi iya nengah main.  Cik Diana Belikau (baju pink) mega siko ari penceramah ari Kementerian Pelancongan Sarawak.

Bala betati ke bakani berkerjasama sebagai siti kumpulan.

Siti agi main berkumpulan ke ngemantai ke sikap 'leadership' etc ke bala indu.

Kumpulan gaga ketegal udah ulih nyelesai ke 'masalah' sida iya. 

Pn. Rebeca Saliman (berseluar putih) (Pengerusi, PITSA Sibu)

Kumpulan menyelesai ke masalah sida bergulai.

Kumpulan siti dah.

YBhg Datu Nellie Tangai, siko ari penceramah, nerima saguhati ari penasihat, Pn. Hilda Ijai.

Cik Diana Belikau, ngemantai ke kertas kerja iya. 

Pekara 'Homestay' tu meh ke di-ansak diatur sekeda bala indu.



Pekit Pua Kumbu 2012

SARAWAK OPEN PUA KUMBU WEAVING COMPETITION 2012

‘PUA KUMBU’ WEAVING COMPETITION 2012

“PEKIT PUA KUMBU 2012”

Patron :

Deputy Chief Minister

YBhg Tan Sri Datuk Amar Alfred Jabu Ak Numpang

Organizers:

SARAKUP INDU DAYAK SARAWAK, Sibu Branch

Jointly with SDNU, Sibu

GENERAL RULES AND CONDITIONS OF THE COMPETITION

1. The competition is open to all weavers in Sarawak, regardless of age.

Pekit pua kumbu dibuka ngagai semua bansa Dayak di Sarawak, enda ngira umur.

2. Each weaver may submit one piece or more, but weavings must be made within 6 months prior to the closing date of the competition, 10 May 2012.

Semua pemekit dipinta nganjung kain tenun ke udah tembu siti tauka lebih ari siti. Kain tenun tu deka ditenun dalam pengelama 6 bulan belabuh ari pemekit nganjung pom enggau bepekit. Semua kain tenun mesti datai ba komiti pua kumbu sebedau 10 May 2012.

3. All entries must be executed in NATURAL DYES only.

Semua kain tenun mesti di tenun ngena dye asal.

4. The competition falls under 1 category, that is, Category 1 (Cotton – Pua Kumbu).

Pekit pua kumbu tu di buka ngagai 1 kategori, ianya, Kategori 1 (Cotton – pua kumbu).

5. Prize is categorized under the followings:

Kategori prais deka diatur baka ke dibaruh tu:-

a. CATEGORY ONE: COTTON (PUA KUMBU)

    1. Size: 4’ X 8’ (More or less)

    2. Colour: Natural dyes (engkudu, engkerebai, sebangki, etc)

    3. Design: Traditional patterns


PRIZES:
    1st : Cash RM3000.00 + Trophy

    2nd : Cash RM2000.00 + Trophy

    3rd : Cash RM1000.00 + Trophy

    4th - 6th : Cash RM500.00

    7th – 10th : Cash RM200.00

    11th – 20th : Cash RM50.00

6. All entries are to be delivered together with the entry forms on or before 10th May 2012, and to the following secretariats:

Semua kain tenun ke udah tembu deka mesti datai ba komiti pekit pua kumbu sebedau 10 May 2012 ngagai penama ke dibaruh:-

    1. Ir Alice Jawan, c/o Sibu Water Board, Jalan Salim, Sibu.      Tel: 084-211001 (Ext. 203/205)
   
    2. Teresa Suli Noel, c/o 2-F, Lrg Bougenvilla 7B, Jln Oya Lama, Sibu.    H/phone: 010-4099100

    3. Angeline Uchi Masing, c/o SRDC, Wisma Sanyan, 96000 Sibu.    H/phone: 016-8825861

    4. Monica Giri, c/o No. 22, Central Market, 96000 Sibu.   H/Phone: 019-8684137

7. The competition will be judged on 19 May 2012. The location and time will be known at a later date. The top 20 will be shortlisted and be taken as materials for the exhibition.

Ari ngakim deka diatur kena 19 May 2012. Endor enggau jam deka dipadah dudi. 20 iti kain tenun ke dipilih deka dibantai maia ari exhibition.

8. Upon completion of the competition, all non-winning entries shall be collected at the above as well, within a grace period of 1 week, that is, from 10th June – 20th June, 2012. Otherwise all unclaimed entries will automatically become the property of SIDS Sibu.

Pengudah pemutus pekit pua kumbu, semua pemekit dipinta ngambi pulai pua kumbu sida iya dalam tempoh seminggu, belabuh ari10th – 20th June 2012. Enti enda diambi dalam tempoh ke udah dipadah, pua kumbu sida deka nyadi reta SIDS Sibu.

9. The organizers will not be liable to any damage or lost of properties before, during and after the competition.

Komiti pekit pua kumbu nadai tanggung jawap ke semua perengka tauka reta ke bisi besangkut paut enggau kain tenun tu enti rosak tauka lenyau.

10. Each piece should be weaved and labeled: ‘TENUN SIDS, SIBU 2012’.

Kain tenun deka ditenun enggau tulis penama “TENUN SIDS, SIBU 2012” ba tisi kain tenun.

11. Results of the competition will be announced during the Gawai Dayak Dinner Celebration, Sibu (Date to be fixed later).

Pemutus pekit kain tenun tu deka di padah maia malam pengerami Gawai Dayak Bahagian Sibu, 2012.

12. The top ten winners will be notified and be required to attend the dinner function for the prize giving. Dinner table will be provided to them, however, accommodation and transportation will be borne by themselves.

Pemutus pekit kain tenun ari lumor 1 ngagai 10 di pinta datai ngulu pengerami makai malam Gawai Dayak Bahagian Sibu, 2012. Endor enggau jam deka dipadah. Endor diau enggau transport di tanggung diri empu.

13. The Entry forms are obtainable from SIDS website http:/www.sids-sibu.blogspot.com or obtainable from the secretariats.

Pom pekit kain tenun tu ulih diambi ari website SIDS http:/www.sids-sibu.blogspot.com tauka ari bala secretariats.

14. The judging criteria are in the following manners:-

Cara ngakim Pekit kain tenun tu baka ke di baruh:-

    1. Design / Ukir                                                      40%

    2. Colour (must be in natural dyes only) / Colour     30%

    3. Composition / Originality / Asal                          15%

    4. Workmanship / Pengalus Tenun                          15%

15. Decisions made by the Organizers and Judges shall be final.

Pemutus ari komiti enggau hakim pekit kain tenun enda ulih dibantah.

16. An exhibition of ‘Pua Kumbu’ will be organized and will commence from 4.00pm to 8.30pm in conjunction with Gawai Dayak Dinner Sibu 2012.

Pameran kain tenun deka dipandang ari jam 4.00 lemai ngagai 8.30 malam beserimbai enggau pengawa makai malam Gawai Dayak Bahagian Sibu, 2012.

------------------------------------------------------------------------------------------------------------

SARAWAK OPEN PUA KUMBU WEAVING COMPETITION 2012

‘PUA KUMBU’ WEAVING COMPETITION 2012

(CATEGORY – COTTON PUA KUMBU)

A. PARTICULARS

NAME OF WEAVER : ……………………………………………………………….

(BLOCKED LETTERS)

IC NUMBER : ………………………………………………………………………...

ADDRESS : ……………………………………………………………………....…...


B. DETAILS OF ‘PUA KUMBU’

Title of ‘PUA KUMBU’ (if any) ………………………………..…………………..

Types of natural dyes used (engkudu, sebangki, engkerebai, renggat or tarum)


………………………………………………………………………………………….


I, ……………………………………………… hereby acknowledge that I fully understand the rules and regulation of the competiton and that I abide by them.



……………………………………………….. …………………………..

SIGNATURE                                                       DATE



For office use only :-
……………………………………………………………………………………………...



Received by …………………………….. Date …………………..


-----------------------------------------------------------------------------------------------------------

SARAWAK OPEN PUA KUMBU WEAVING COMPETITION 2012

‘PEKIT PUA KUMBU 2012’

(KATEGORI – COTTON PUA KUMBU)

A. PENERANG

NAMA : ………………………………………………………………………….

(HURUF BESAI)


LUMOR IC : ………………………………………………………………………...



ALAMAT : ………………………………………………………………………...



                    ……………………………….………………………………………..



B. PENERANG PASAL ‘PUA KUMBU’


NAMA BUAH ‘PUA KUMBU’ (enti bisi) ……………………..…………………..


Bansa dye asal ke dikena (engkudu, sebangki, engkerebai, renggat or tarum)



………………………………………………………………………………………….



Aku, ……………………………………………… ditu deka madah, aku udah nemu enggau terang pasal undang-undang bepekit lalu aku deka nitih ke undang-undang nya.



……………………………………………….. …………………………..

SAIN                                                                  ARIBULAN


Kena opis SIDS aja :-
……………………………………………………………………………………………...





Di terima ulih …………………………….. Aribulan …………………..

Lawatan Sambil Belajar ke Johore Bharu & Singapore ... 2-5 October 2011

Bisi 16 orang bala Sarakup enggau Lawatan Sambil Belajar ke Johor Bharu & Singapura kena 2 - 5 Oktober 2011 tu suba.  Belanja sida, chukup mimit; utai ke dibeli, chukup mayoh!  Sida iya bisi nemuai ngagai endor ke bersejarah serta endor-endor sigi udu ditutu temuai dagang.  Terima kasih ngagai Pn. Teresa Suli Noel ke udah ngulu ke bala alam pejalai tu.

Bala beergambar di Johor Bharu

Pn. Emu enggau bala kaban bukai.  Scarf nya tentu dibeli baru!

Gambar bala ke enggau lawatan

Pn. Clare enggau bala kaban bukai.

Kaban ke enggau

Pn. Teresa, tuai pejalai ngiring bala 'murid' iya

Pn. Loryna Leman & Pn. Emu aba LCCT

Aktiviti ke deka datai ...

Tu aktiviti ke deka diatur alam kandang sebulan tu.  Arap ke semua rajin enggau ngulu pengawa.

1.  Nemuai ngagai Sentosa 2 kena 12/11/2011 jam 2 lemai.  Sida deka ngatur bepilih ke Tuai alam Kawasan tu.

2.  Nemuai ngagai Rh. Umpang, Menyan kena 13/11/2011 jam 2 lemai.  Sida udah bekumpul ke lebih kurang 40 orang indu ba rumah panjai tu lalu sida deka enggau berSarakup.  Semua kaban dipinta sampal enggau.  Pengudah tu, deka betemu enggau bala di Menyan mega aba Rh Radin.

3.  Seminar Pemansang Sarakup deka diatur kena 19/11/2011 di Tanahmas Hotel ari jam 8pagi - 4lemai.  Empat orang pengari ari siti Kawasan deka enggau sama-sama ngulu seminar tu. Bala penceramah ianya YBhg Datu Nellie Tangai, En. Rudy Anoi & En Campbell Apau.

4.  Pekit Berayam SIDS Sibu deka diatur kena 1/12/2011 di Rh. SIDS, Sibu. Pemekit deka mai anyam tikai sida nitih ke atur lalu prias ke manah amat deka diberi.

5. Makai Malam Serumpu Krismas deka diatur kea 1/12/2011 jam 7lemai di Li Hua Hotel.  Malam tu bertema ke 'merak', semua bala kaban diansak bebaju merak lalu mega bisi pekit 'bertandak' serta mayoh macam main.  Bayar siko ianya RM23.00 nyengkaum siti pemeri Krismas.  Bala anak-anak ke nerima insentif pelajar semina mayar RM20.00 siko.

6.  Nemuai ngagai Wad Anak Mit deka dipejalai ke kena 7/12/2011 jam 3 lemai.  Semua dipinta sama-sama enggau.

7.  Pekit Pua Kumbu 2012 belaboh diatur diatu.  Atur ulih dipeda aba ditu. 

Seminar DCCI .... 7 Oktober 2011

Kira-kira 50 orang bala kaban Sarakup bisi enggau ngulu seminar ke diatur DCCI.  Seminar Capacity Building - Women Entreprenuerial Leadership ke terubah iya diatur DCCI kena 7 Oktober 2011 di Tanahmas Hotel.  Sebedau seminar, semua bala bisi dibai berkelala bertemu aba siti makai malam kena 6 Oktober 2011 di endor ke sama.

Kesemua bala ke bisi enggau ngulu tu ianya lebih kurang 160 orang indu ari Limbang, Bintulu, Saratok, Betong, Sarikei, Julau, Sekuau, Bintangor, Kanowit, serta Sibu.

Sekeda kaban Sarakup ke bisi ennggau.

Bala Sarakup ari Bintulu; Pn. Nuai (Chairman SIDS Bintulu, 4 ari kiba), Pn. Rita (3 ari kiba) enggau bala iya.

Bala kaban ari Sibu

Pengerusi, Ir. Alice, begulai enggau Datin Angelina - maya ngetu ngirup ngalih hari.

Pengerusi, Ir. Alice, enggau Pn. Rita (Penasihat SIDS Bintulu)

Bala SIDS Sibu, Kawasan Maludan.

Bergambar begulai enggau (kiba ke kanan)

Nancy (DCCI), Associate Prof. Dr. Faridah, Pn. Rita, Ir. Alice, Associate Prof. Dr. Madeline, Pn. Bunsi

Bala pemesai DCCI

Tahniah ngagai Naib Pengerusi & Sekretari SIDS Sibu ..

TAHNIAH!!

Meri Tahniah ngagai Naib Penegerusi & Sekretari SIDS Sibu ke udah nerima pingat maya hari pengada TYT tu kemari!

Pn. Monica Giri Ak Jamban, Naib Pengerusi-SIDS Sibu, bisi nerima pingat Bentara Bintang Sarawak (BBS)

serta

Pn. Uchi Maseng, Sekretari-SIDS, Sib, bisi nerima pingat Ahli Bintang Sarawak (ABS).

Pn. Monica (kiba) & Pn. Uchi (kanan)

Nemuai Hari Raya Aidil Fitri ... sambung ....

Kami minggu tu nyambung ngabang Hari Raya Aidil Fitri, ianya ngabang Hari Terbuka TYT enggau Makai Malam Ramah Tamah Aidil Fitri.

Kena hari satu tu kemari, ianya 5.9.2011, bala kami nyambung ngabang musim Hari Raya Aidil Fitri ngagai Rumah Terbuka TYT Sarawak di Sri Rajang. Maya dia sempat mega bergambar bergulai enggau Tun & Toh Puan. Kami sebuat tak bejako Iban enggau seduai; laban ke sigi orang Sibu TYT; nyaut alam jako sama meh iya.

Bala EXCO enggau kaban sigi dibai magang, tang ke nurun kami lima tu aja.  Bala endang lembau amat ngabang ngagai pemesai ketegal malu kini tauka enggai kiroh, tauka nadai hari meh nya.  Arap ke taun bukai, mayoh agi bala enggau.  Merati ke bala ke enggau, nyangka beguna ke kursus mimit cara2 begulai enggau pemesai.

Pn. Tamoh, Pn. Christine, Ir. Alice (Pengerusi), Pn. Uchi (Sekretari),

Pn. Magdalene, Pn. Monica (Sapit Pengerusi) begulai enggau

TYT Tun & Toh Puan.

Kami sebuat sempat ngah begambar begulai enggau siko kaban lama Pengerusi & bini iya ke sama-sama ngabang.  En. Dol tu selalu amat ingat serta nusi cerita pemerani Ir Alice maya nungak pelanggan ai ke nganuk maya kes di kampung beberapa taun suba.  Ko iya orang enggai mansang laban pelanggan2 ka nganu ka maluk, ketegal rigat, Ir berani mansang berandau enggau pelanggan2 ke rigat nya. 

Iya (En Dol) nitih ari belakang aja ko iya!  Nya meh pemerani Pengerus ke enda temu kitai; tang kitai sigi nemu; iya enda lembau nyebut utai enti ke pemansang kitai indu Dayak. 

Bala kami enggau Ramah Tamah Aidil Fitri enggau YAB Ketua Menteri, semija enggau bala gerepong DBNA serta Melayu Melannau.  Suba selalu diberi orang 2 mija bala gerempong, diatu 3 iko aja dikagau.

[Kiba-Kanan: bala gerempong Melayu Malanau, Pn. Monica, Pn Uchi, Ir. Alice, bala DBNA]

Nemuai Hari Raya Aidil Fitri ....

Meri Selamat Hari Raya Aidil Fitri ke semua bala kaban Sarakup ke beragama Islam.

Hari ke terubah tu tadi, kami bisi nemuai ngagai siko kaban Sarakup ianya, Pn. Maria Taloh, enggau laki iya Cikgu Idris B Drahman.  Rindu amat ngabang ngagai seduai laban seduai sebilik endang mesra nyambut kitai.  Utai ke dipanok Pn. Maria megang chukup sedap serta mayoh.  Kami lalu merarau tenghari aba iya; berlauk daging masak hitam, goreng sayur campur, kari manok, telur masak tomato, pulut, ketupat, kuah sate', serta mega kek ke di bantai ke iya - 10 macam!  Semua digaga iya.  Chukup sedap magang.  Aku nadai ngambi gambar pemakai ke dipanok iya, enggai ke bala tetenguk! ;)

Pn Maria & Cikgu Idris begulai enggau bala Sarakup

ianya Pn. Siti, Indai Epin, Ir. Alice, Pn. Monica, Pn. Magdalene

serta bala anak-anak.

Pengerami Ulangtaun ke 20 SIDS Miri ... 13.8.2011

Ujung minggu tu tadi bisi 20 orang bala kami nurun ke Miri nguluk pengerami nyambut sida SIDS Miri berangkat 'dara' (munyi ko Pengerusi sida, Pn. Jenny Jeli) ianya Pampang sida udah berumur 20 taun!  Bala kami ke nurun diketuai ke Pengerusi, Ir. Alice Jawan, enggau sekeda bala EXCO, Tuai Kawasan serta kaban bukai. 

Pengerami SIDS Miri nyadi kena 13.8.2011 di Imperial Ballroom, Mega Hotel; lalu progrim ke diadu ke sida chukup manah. 

Pengerusi Ir. Alice begulai enggau Pengerusi SIDS Miri, Pn. Jenny Jeli

Tahniah ke SIDS Mir ke udah ngatur progrim ke chukup manah!

Pengerusi Ir. Alice bergulai enggau pemesai SIDS & bala di Miri.

Alam jako pesan YBhg Dato Sri Empiang Jabu, dia iya madah ke bala indu/Sarakup nyendia ke diri dikagau nyadi tuai-tuai masyarakat! 

Semua Pengerusi Pampang mega dikagau niki ke panggau meda sida motong kek ulangtaun.

Pampang-pampang ke ulih, dipinta mantai ke main asal aja alam 3 minit; lalu kajat sida chukup manah.  Ke sekali tu, bala ari Sibu nadai mantai ke main ketegal enda sempat nurun praktis serta mega ka releks meda main pampang bukai.

Tu kajat ari SIDS Betong - chukup serasi chukup manah ...

lalu sida menang persembahan ari pampang ke paling manah.

Kajat ari SIDS Bintulu, mega chukup manah ... sida bulih lumor 2 ... stedi!

Koir SIDS Miri ... stedi amat Pn. Mary Bajang, kitai indu Iban endang serba bulih...

nemu belagu koir (iya madah ke diri pandai lagu Hindustan ... ila ninga), nemu ngajat, serta

chukup landik bejako ...

Bala ke enggau ke Miri ..

Pengerusi, Ir Alice Jawan enggau bala Tuai Kawasan - Pn. Rose, Pn Lily,

Pn. Winnie, Pn. Emu, Pn. Bunsi, Pn. Rosalyn, Pn.Siti, Pn. Magdalene

Bala ke semija di sepiak ...

Pn. Loryna, Pn. Ilam, Pn. Lulu, Pn. Teresa, Kawan Endu Maureen,

Endu Maureen, Pn. Timah, Pn. Tenggau, Pn. Kundau

(Endu Michelle nyadi tukang kamera)

Pengerusi Ir. Alice begulai enggau bala Pengerusi pampang bukai ianya ari

Lundu, Sekuau, Sri Aman, Pn. Tina (berdiri, ari KL, kawan Pengerusi), Betong, Bintulu & Limbang ..

Sekeda pengerusi nuh segau-segau ngatur bala sida. 

Sida SIDS Miri manta ke mayoh main ... antara iya belagu, bertanda, berpantun ... landik amat kitai indu Sarakup.  Serba bulih magang!

Bertwist ...

Berpantun & bertandak ...

Endu Michelle & Endu Maureen ...

Terima kasih ke sekeda gambar tu.

Nemuai ngagai Rh. Tonnie Eli kena 7.8.2011

Ngalih hari tu tadi bala Exco & Kaban bisi nemuai ngagai Rh. Tonnie Eli aba Tg Latap, Sibu.  Rumah panjai ke betampong 4 pintu tu angus kena 31/7/2011 tu kemari, lalu nasib ngah bala ke niri ke rumah kediri di tisi sida iya tu nadai ngawa.  Siko ari bala ke kena augus tu mega ianya siko ari kaban Sarakup ari Kawasan Sentosa. 

Ngarap ke bala kitai ke diau di rumah panjai berati ke pekara ke tau ngasoh rumah angus baka - sambung tali wire, masang api dapur, serta mayoh macham pekara agi.  Bala ke diau di rumah panjai mega patut belajar ke cara-cara madam ke api.

Pengerusi SIDS Sibu, Ir. Alice nyua ke tulong ngagai TR Tonnie,

serta Pn. Monica (Naib Pengerusi) nyua ke kaban SIDS Sibu, Pn. Sendra.



Majlis Pelancaran Program Kibar Jalur Gemilang Bahagian Sibu Tahun 2011

Kena ke 27 Julai 2011 tu tadi, sekeda ari kaban SIDS Sibu udah enggau nyukong pengawa Program Kibar Jalur Gemilang Peringkat Bahagian Sibu Tahun 2011 ke diatur sida Pejabat Residen Bahagian Sibu.  Program ke diatur kemaya nya iyanya nyuaka bendera ngagai semua agensi kerajaan tauka swasta enggau persatuan  kena simbolik kitai nyambut Bulan Kemerdekaan bulan tu.

Selamat Nyambut Bulan Kemerdekaan Malaysia Tahun 2011 ngagai semua pembaca blog SIDS Sibu...  :)

Puan Loryna Leman nguluka bala SIDS maya nya (lawa endar sida ngena baju draw enggau kain pua kumbu enggau beselampai)  :)

Datuk Tiong Thai King merasmi Program Kibar Jalur Gemilang Peringkat Bahagian Sibu 2011

Pekit Bowling Antara Kawasan ..... 30.7.2011

Sehari tu tadi, Komiti Sukaneka ke betuai ke Pn. Siti Tubak, bisi ngatur Pekit Bowling Antara Kawasan di Sibu Bowl.  Bisi 6 iti kawasan enggau bepekit, ianya kawasan Sibu Jaya, Rejang Park, Penasu, Pasai, Aup, enggau Maludan.  Kawasan Malduan nganjung dua iti tem enggau bepekit sekali tu.  Kira-kira 50 orang bala kaban ke enggau berpekit serta penyokong bisi enggau ngulu pengawa pagi tu tadi. 

Bergambar begulai pengudah tembu main.

Tem Pasai ... lawa serta chun sida berbaju sama.  Tu 'uniform t' sida!  Pn. Lynner, Tuai Kawasan sida bisi enggau bemain.

Pn Regina, Tuai sida ari Penasu meri tunjuk ajar & perangsang sebedau belaboh!

Tahniah Tem Rejang Park bulih no. 4 (udah dibetul ka) serta sida diulu ke Tuai sida, Pn. Magdalene Sigie.

Tem Sibu Jaya, siko ari pemain sida bulih top 4 players!  Tahniah!

Tem Aup, taja tubuh sida mimit di ulu ke Pn. Christina Abang, tang pemain kuat amat!! 

Sida bulih No 3! Tahniah!

Tem Maludan bergambar sebedau muka bungai ayun nuchi 'parit'.  Anang alah gaya! :D  Tem Maludan 1 & 2 nyadi pemenang no. 1 & 2 serta bulih top player! Tahniah Pn. Lynda (top player) enggau bala kaban-kaban tem!!