BGM SIDS Kena 26.3.2011

Kena 26.3.2011, bisi 30 iko bala kaban Sarakup Sibu enggau ngulu Aum Besai Sekali Alam 2 Taun ke diatur di Penview Hotel, Kuching. 14 orang nyadi pengari lalu 16 orang nyadi pemerhati ngagai aum tu.  Maya aum tu mega, Iban Women Charitable Trust (IWCT) mega bisi magi duit tulong mimit ngagai semua 23 iti pampang Sarakup ari Limbang ngagai Lundu. 

Rindu endal ngah begulai enggau bala Sarakup ari pampang bukai ke udah dikelala nuh berpuluh taun; taja pia bisi ngah bala ke baru enggau.  Selamat bekelala enggau semua sida.

Pn. Timah, Pn Imbok & Pn Itau - bala Exco & Tuai Kawasan ke bisi enggau ke Kuching!  Bala Tuai Kawasan bukai bisi enggau, tang ketegal enggai tentu segau2, nadai mayoh gambar diambi ke sekali tu.

Pn. Rosalyn, Pn. Siti, Pn. Margaret & Pn. Claire - Exco & Tuai Kawasan

(Gambar diambi ari blog En. Anthony Banyan)

 Penasihat, Pn Catherine Nain, Pemegai Wang Pn. Magdalen Sinah & Sekretari Pn Uchi maya makai malam nya.  Pn. Sinah & Pn Uchi tu bergaya baka nya laban ke deka mantai ke tarian line dance cha-cha.  Chukup stedi sida iya.  Ila senyum agi maya cha-cha!

Pn. Rose, Pn. Teresa & Pengerusi, Ir Alice.

Bala tuai-tuai pampang ke bisi nerima duit ari IWCT, lalu bala ari Sibu bisi nerima RM25,000.00 ari IWCT.  Enggau nya meri besai terima kasih ke pemeri ke beguna amat kena ngatur progrim pemansang kitai indu Iban.  IWCT baka mega SIDS HQ, bala kaban sida ari bala ke di Kuching aja.

Pengerusi SIDS Sibu nerima chek RM25,000.00 ari Pengerusi IWCT/SIDS
(Gambar diambi ari blog En. Anthony Banyan)

Aum ke baka tu mega maya betemu enggau begulai enggau bala kaban ari Pampang ke bukai.  Sarakup patut ngadu ke mayoh agi progrim begulai bekala ke baka aku.  Ari kitai begulai & bekelala engau pagan diri, kitai bulih 'pengaya' ari segi pemayoh kaban.

Pengerusi, Ir Alice, begulai enggau bala kaban ari SIDS Kuching ianya Pn. Suzana, Cik M, enggau kaban siko dah (minta ampun enda ingat ke nama)

Tu bala group 'superhappy', Pn Mary & Pn Jenny enggau bala exco seduai.  Orang minyak endang kala baju pen ala minyak!  Gaga ati ulih begulai, taja enda lama; lalu ditampung enggau ngirup pagi.  Ir deka mansang pending iya aba radio hari empat tu ila ninga pesan sulu ari Miri! ;) 

Bala SIDS Sibu se-bas bisi ngetu aba rumah En Anthony Banyan, sebedau nurun baum.  Meri besai terima kasih ke En. Anthony sebilik ke udah kiruh endal enggau kai sebuat.

(Gambar tu mega diambi ari blog En. Anthony Banyan)

Semua bala SIDS Sibu ke bisi enggau begambar begulai enggau

Chairman SIDS, YBhg Dato Sri Empiang Jabu. 

Gambar-gambar ke dibaroh tu diambi ari album aba Facebook Pn. Sebugey, terima kasih bekongsi ke gambar-gambar nuan!

Bala Sarakup seluruh Sarawak endang nadai baju ke sebaka ari kelia, taja bala bisi uniform ari siti-siti pampang.  Pekara ke bersiti uniform tu endang udah disebut bala kami ari berpuluh taun ke suba, tang lalu empai ulih di-adu.  Sarakup Limbang pen mega bisi mansut ke pekara-pekara tu baru.

 3 iti pampang duduk berintai...

 Bisi ngah bala ke nadai uniform, tang semua baju sida lawa serta baru magang (dagih ke aku)

 SIDS Bintulu

 SIDS Saratok

 hmmm enda ingat aku ari nie??....

 SIDS Sarikei, SIDS Sri Aman, SIDS Julai ....

 SIDS Batu Niah

 SIDS Julau

 SIDS Sibu

 2 iti pampang - SIDS Betong? .. enda ingat aku ari nie.... minta ampun.

 SIDS Kuching & SIDS Main EXCO.  Aunty baju meha agi stedi endal.  Gaga ati bala ari Sibu ulih betemu enggau kaban lama, Pn Beatrice (tengah), suba iya aktif endal enggau kami di Sibu.

 Pampang nie ka??

 SIDS Miri

SIDS Meradong (enti enda salah ingat aku)

SIDS ?? enda ingat ari nie aku?

Semua uniform lain, nanda ke ari endor ke enda sama; taja iya manah endal dipeda tang enti kitai ngira ari segi penyerakup - stail baju kitai empai berserakup!  Arap ke alam BGM ke dudi ila, kitai ulih beruniform sama magang!

Sapa bala ke ulih neka/ngemetul ke penatai bala SIDS deka dibelanja enggau segeles ai milo maya kita betemu enggau Cik Administrator! :D

Terima kasih ngagai Pn Jenny Jeli aka Sabugay enggau En Anthony Banyan aka Penjurai Apaienduq ke udah berkongsi ke sekeda gambar2 ke pansut alam blog tu. 

Attn: Video persembahan line dance maya dinner malam nya udah diupload ba Youtube.  Bala mayoh ulih video nya ba ditu (klik link ba sepiak tu). http://www.youtube.com/watch?v=EM_c1utBFuw

Tahniah

SIDS, Sibu asai ke enda laun meri Tahniah ngagai Professor Dr. Jayum Jawan ke udah dilantik alam Majlis Profesor Negara alam kategori Kluster Politik, Keselamatan & Hal-Elwal Antarabangsa alam bulan Mei 2010 tu kemari.  Iya siko ari profesor kitai ke lantang mantai ke penemu ari segi akedemi & pelajar alam mayoh bengkah pekara.

Makai Malam Ngiga Belanja SIDS Sibu - Kawasan Teku, Pasai, Aup, Penasu & Rantau Panjai 12.3.2011

Lima iti Kawasan SIDS, Sibu begulai ngatur siti pengerami makai malam nemalam kena sida ngiga belanja.  Tu meh ke terubah iya bala Tuai-Tuai Kawasan ngatur pengawa ke baka tu.  Pengeras ati sida ke ka ngatur tu, sida terjual ke 45mija alam masa kurang ari 3 minggu.  Pemayoh tu lebih ari target sida ianya 30 mija.  Tahniah ngagai sida, ketegal semua pengawa bejalai enggau chukup mujur serta manah!

YB Dato Sri Wong Soon Koh sama-sama mutong kek nanda ke Hari Orang Indu Antarabangsa.

 

YB Dato Sri Wong Soon Koh maluk tawak ngelai ke belabuh pengerami.

 

Pengerusi, Ir. Alice, enggau Sekretari, Pn. Uchi Maseng, bergambar begulai sebedau pengerami belaboh.  Pengerusi berpakaian 'moden' ianya 'slacks' & baju panjai berkola manderin lalu ditambah enggau selampai tenun ubung perak - chukup anggun & moden (Indu Iban bergaya moden).  Sekretari ngena gaun pandak, dilempai ke iya skaf bercorak tenun (Indu Iban bergaya moden).  Ke bukai, chukup lawa enggau baju dero, kain corak Iban & selampai emas sida!

Bala tuai-tuai kawasan: Pn. Christina Abang (Aup), Pn. Rose Chukan (Teku), Pn. Regina Emu (Penasu, iya mega dipilih sida nyadi tuai alam gerup), Pn. Loryna Leman (Rantau Panjai), Ir. Alice, Cik Lyner Andrew (Pasai), Pn. Priscilla Bunsi David (exco ari Penasu), Pn. Uchi. Tahniah ke kita 6 Tuai Kawasan!

Pengerusi ngenatai ke pesan iya, pandak serta padat - penyerakup kitai indu & bangsa Iban/Dayak, nyengkaum indu Iban alam bala ke ngaga polisi lalu datai maya iya kitai bisi Penghulu Indu Iban, enggau pengerindu/pengasih tuai raban bangsa ke SIDS Sibu alam kandang 11 taun tu - lalu kitai patut malas pengerindu/pengasih nya.

Anak-anak Pn Christina Abang ke enggau mantai ke fesyen ari Rose Boutique.  Kitai Sarakup di Sibu diatu udah bisi 2 orang kaban ke muka boutique ianya Rose Boutique & Galeria Catrina!  Sukong meh kedua-dua seduai tu - ngaga mayoh macam baju.

Pn. Rose enggau bala pelajar & baju design iya.

Sekeda ari baju-baju ke di-design Pn. Rose ari Rose Boutique.

Politikal Sekretari, En. Tengku Geruna & Pn. Magdaline Sigie (exco SIDS Sibu) enggau bala SDNU bukai ke bisi mega enggau malamnya.





Aum Besai SIDS Sibu ke 19 kena 5.3.2011

Hari enam tu tadi, SIDS Sibu ngatur Aum Besai ke 19 aba Paramount Hotel, Sibu lalu bisi 315 bala kaban datai enggau nguluk aum.  Mentas serta likun magang bala kitai indai-indai, rindu endal meda bergulai - sekeda laban ke lama enda kala betemu meh nya.  Nuh ragak dewan, tang maya aum belaboh, semua sunyi mending ke jako lalau Pengerusi, Ir. Alice Jawan, serta mega berita ke dibai iya.

 Bala Tuai-Tuai Kawasan (duduk mua), kaban EXCO enggau bala kaban bukai ke bisi enggau baum.

Bala Tuai-Tuai Kawasan (bangku dimua), EXCO & bala kaban 

Repot pengawa & wang 2010 ke dibantai ke Sekretari, Pn. Uchi, Pn. Magdalen & Pn. Timah chukup lengkap serta teratur.  Terima kasih ketegal ngerja pengawa enggau chukup manah serta likun.  Perambu program/aktiviti & wang ke taun 2011, mega umbas iya pemayoh.  Siti ari perambu program ianya bala ke deka ngatur 'charity concert' ngena ngiga belanja ke Tabung Pelajar & nambah ke duit welfare.  Enti bala bisi ngelala penyanyi tauka band ke deka meri masa sida enggau 'percuma' ke 'concert' tu, minta kita madah nengah kotak emel kami.  Awak ke Allah Taalah merkat ke tolong semua.

 Tiga iko sida SDNU Sibu tesat kini?  Sigat amat sida tiga tu!!  :D
Sida iya dikagau ngatur BerPilih Exco SIDS Sibu 2011-2012, lalu sida diketuai ke Bujang Paku Lawang, En. Augustine Merikan.  Meri besai terima kasih ke tolong sida alam pengawa tu. BPL endang pandai ngelagu utai, nuh ketawa aja bala indu ninga jako/cerita lucu iya!

SIDS Sibu Exco 2011-2012

Belakang (kiba-kanan): Rosalind Sandah, Magdaline Sigi, Tuai Kawasan Aup-Christina Abang, Sitie Tuba, Priscilla Bunsi David, Michelle Hildalyne Anthony (administrator blog!!) ... bala kaban komiti

Depan (kiba-kanan):  Timah Unggit (Asst Treasurer), Magdalen Sinah (Treasurer),
Monica Giri (Vice-Chairman), Ir. Alice Jawan (Chairman), Hilda Ijai (Advisor),
Angelyn Uchi Masing (Secretary), Catherine Kundau (Asst Secretary)

Nadai alam gambar:  Catherine Nain Abet (Advisor) - ketegal rami besai di Kuching!

Tahniah ngagai bala EXCO ke udah dipilih.  Pengandal bala kaban endang mayoh lalu ngarap ke mayoh agi aktiviti diatur.

Bala enggau sida Tuai-Tuai Kawasan, kiba-kanan:  Rosalind, Clare Jeni (Sibu Jaya), Rosita Suring (Permai), Magdaline Sigi (exco/Rejang Park), Siti, Jeluie Januang (Sukun), Regina Emu (Penasu), Bunsi, Michelle, Judith Abang (Seduan Jaya), Rudan (Bkt Besai), Loryna Leman (Rantau Panjai), duduk kanan-Catherine Kundau (Maludan)
Nadai alam gambar (pedis dikumpul lalu sida sibuk berandau!): Itau (Pasin), Senah Chendang (Naman), Margaret (Sentosa1), Imbok (Sentosa2), Rose Chukan (Teku), Lynner Andrew (Pasai), Jennifer Yam (Hospital/Oya), Christina Abang (Aup)


Tahniah ngagai bala anak-anak serta indai-indai ke bisi nerima insentif pelajar.  Insentif tu diberi ke bala anak kaban Sarakup.

Endu Jessica Laura Ak Kinsella (anak kaban SIDS, Sibu ianya Pn. Hellen Jaie) nerima insentif pelajar ketegal bulih 5A alam UPSR.  

Kediatu bisi kurang mimit bala anak-anak ke nerima insentif, ukai ketegal nadai pandai; tang ketegal empai bisi rebak.  10 taun ke dulu bepuluh nerima, sida iya diatu graduan, lalu arap ke sida ulih enggau berSarakup (sida ke indu).  Tang taun2 ke ka datai tu, nyangka bisi betambah, laban bala anak-anak nuh aba peringkat UPSR, PMR, SPM diatu!  Nya mega nanda ke rebak 'umur' bala kaban!

Pn. Julia Ak Chendang ngambi ke anak iya Stella Angela Liu ke bulih 7A alam PMR

Pn. Agnes Ak Chapi ngambi ke anak iya Raymond Ricci Anak Abang (UPSR)

Sudang Ak Baok ngambi ke anak iya, Alexander Demong (PMR)

Pn. Veronica Ak Pattan ngambi ke anak iya Ismanizzy Nick Ak Sahariat (UPSR)

(Terima kasih ke Pn. Monica Giri, Vice-Chairman SIDS Sibu ke berkerja keras ngatur sida ke ngambi insentif pelajar)

Arap betemu taun baru, lalu kitai nyaut 'challenge' pn pengerusi - ianya sekurang-kurang nya 1000 bala kaban enggau maya Aum Besai ke 20 tu ila! 

Besai terima kasih ke Sekretari ke udah kiroh ngatur pengawa AGM ke sekali tu.