Selamat Taun Baru 2013

Selamat Taun Baru 2013 ngagai semua bala kaban SIDS & SDNU enggau bala kaban bukai.

Ngari ke SIDS Sibu, aku besampi ke semua kitai bulih berkat ari Allah Taalah serta seruruan diberi Iya pengerai, pengasih, penemu, pengering, pengerindu, enggau pengliat ati ngerja ke pengawa ngemansang ke bala kitai Dayak; kelebih agi kitai indu Dayak.

Arap ke taun baru tu, semua juluk ati kitai ulih magang.

oooohhhhaaaaaa

Selamat Taun Baru!!

Selamat Melah Pinang ngagai Donna Douglas Jerukan

Tahniah ngagai Pn. Catherine Nain Abit, Penasihat SIDS Sibu ketegal pengerami nikah anak iya ke biak endal ianya Pn. Donna enggau En. Brodie kena 23 Disember 2012 tu kemari.

Tahniah ngagai sida sebilik.

Pn. Catherine Nain (paling kiba) mai bala mayoh bekelala enggau bala sebilik iya.
Kiba-Kanan:  Pn. Catherine Nain, Shania, Lucy, Desmond, En. Douglas Jerukan, Donna & Brodie, anak2 bujang Deborah,
Darren & bini iya, Deborah & Johnady.

Rami Makai Malam Krismas SDNU Rajang

SDNU Rajang bisi ngatur pengawa Makai Malam Krismas kena ke 22 Disember 2012 ba Hotel Paramount.  Bala kaban SIDS Sibu bisi diungkup ke siti mija, endang gaya kitai sigi nyukong pengawa pagan diri.  Bala ke datai malam nya diulu ke Pn. Catherine Kundau, Naib Pengerusi SIDS Sibu enggau Pn. Angelyn Uchi Maseng, Sekretari SIDS Sibu.

Bala kaban Sarakup ke udah datai (mua admin nadai ditu, tukang ngambi gambar)  :)

(mua lelak magang laban udah mantu pengawa SDNU/SIDS/SPA Outreach Programme 2012 pagi tadi, tang tetap bersemangat datai meri sukong ke pengawa bala menyadi sama raban bansa Dayak)  :)

SDNU/ SIDS/ SPA OUTREACH PROGRAMME 2012 DI SIBU

SIDS Sibu begulai enggau SDNU Sibu enggau kerjasama SPA Malaysia bisi udah ngatur program SDNU/ SIDS/ SPA OUTREACH PROGRAMME 2012 ba Dewan Wei Kuok kemari (22 Disember 2012) belaboh ari jam 8 pagi ngagai 5 lemai.  

Program tu diatur kena ngerijista bala kitai Dayak ke bisi ati deka minta pengawa ba opis perintah besai (federal) nengah jalai "online" sereta kena nyaut kangau tauka cabaran ari Pengerusi SPA, Tan Sri Mahmood Adam ti ngasoh ngumpol 100,000 bala kitai Dayak ke deka rejista minta pengawa ba opis perintah.  Tuju ngerista tu ukai retinya semua deka bulih kerja; tang ngambi ke bisi database sida SPA ke bala kitai Dayak ke bisi chukup pengelandik/pemadai ke ulih dipilih (shortlist) serta dikagau ke interview maya bisi pengawa kosong.  
Ngarap ke bala kitai Dayak sama-sama ngena peluang tu sama datai ngisi borong tu online nemu nya maya Outreach program tauka ngatur diri.  Alamat website bisi ditulis dibaroh.  Seharinya, lebih kurang 700 bala anembiak kitai Dayak bisi ngerista diri.  

Tang ke sinu endal dipeda aku ianya bala kitai ke biak tu kelalu enda nemu nulong diri empu.  Bisi sekeda datai nadai mai sijil-sijil sida; bakani ka ngisi borang enti semua maklumat enda ditemu!  Aku arap ke gerempong-gerempong serta mega sekolah-sekolah sama bela ngajar bala anak-anak kitai Dayak tu ngemansang ke pikir runding sida.

YB Encik Joseph Mauh anak Ikeh, ADUN N.52 Tamin bisi datai bejadi ke pengawa tu kemari. 

Terima kasih ngagai bala kaban SIDS ke udah mantu alam pengawa ngerista serta atur-atur bukai ke sehari nya.

Ngagai bala ke deka rejista pengawa ba opis perintah tau rejista kediri empu ba website tu:

http://putra3.spa.gov.my/online/BORANGSPA8I

Kaunter pendaftaran ke diatur bala kaban SIDS

Krismas Fellowship Lunch kena 8.12.12 di Paramount Hotel

Tengahari tu tadi engau lebih kurang 120 orang bala kaban Sarakup berserumpu makai tengahari Krismas di Paramount Hotel, Sibu.  Chukup manah serta rami pengawa diatur.  Ke sekali tu, program diatur bala orang biak ke diketuai ke Ms Michelle Anthony enggau penulong-penulong iya. Terima kasih ke sukong serta bantu semua bala.  Aku enda ingat ke semua nama, tang Maureen & adik iya, madik Michelle enggau bala bukai.

Gambar ba aku mimit aja; nyangka Endu Maureen ulih nambah ke iya ila.

Bala pemekit kategori make-up paling manah & pakaian paling dikerindu.. Bajik-bajik semua sida..

Kaban tu bulih make-up ke paling manah!  Ukai Pengerusi SIDS, Sibu Ir. Alice (taja iya 'ROCK' sekali tu!)

Ibu tu ari Kawasan Bukit Besai nyadi pemenang pakaian paling dikerindu ke bala!  Hebat!

Bala Komiti pengatur ... manah lagu sida!

Maya nya mega praiz-praiz Pekit Ngaga Tangu bisi diberi.  Ditu Pn. Magdalen Sigi nerima prais iya!  Pemenang no. 1!


Bala indai (enggau anak siko nyadi mumia) main masung pangan ngena toilet paper..  :p


Pemenang! Puan Catherine Kundau & partner (hasil kerja kraf tangan iya).. haha..


Peserta main game charade (neka aksi)

Puan Timah bercha-cha enggau Endu Michelle

Pesta poco-poco :)

Bala kaban sama-sama belagu lagu Krismas

Makai!  :)

Rindu meda bala kaban mayoh datai

Say cheese!

Pekit Ngaga Tangu 2012

Bala Sarakup belaboh bulan Julai suba, belajar serta ngaga Tangu ke dipekit.  Semina bala ke ngerista diri ngaga/belajar tangu aja ulih enggau bepekit; tu ianya siti cara ngambi komiti nemu tangu nya enda baru serta digaga kaban.

 Kira-kira 20 orang bala kaban ngerista diri, lalu sida betemu setiap hari enam jam 2 lemai di Rumah SIDS endur sida begempuru ngaga tangu.  Tang setakat 6 Disember tu kemari, semina 17 iti aja tangu ke ulih dipekit.

Terima ke bala kaban ke enggau. Dibaroh tu gambar-gambar tangu ke tembu (enggau siti ke enda tembu)!  Kriteria ngeakim ianya - 50% ari segi corak, 50% ari segi pemanah.

Tangu No. 19 tu bulih No. 3; digaga Pn. Ludwina Mathew.

Tangu No. 1 tu bulih No.2 lalu iya digaga Pn. Lulu Ranggau.

Tangu No. 18 bulih No. 1, digaga Pn. Magdalene Sigi.

Kasih tangu Pn. Christina tu, enda tembu.  Nyangka iya sibuk nyaga uchu mit iya! :)

Bala ke pemekit begambar enggau tangu-tangu sida.  Pengerusi Ir. Alice megai tangu ke enda tembu laban ko iya corak iya manah endal, sayau enda tembu!

Bala pemenang nerima prais sida maya pengerami makai tenghari Krismas kena 8.12.12 tu tadi.

Majlis Makai Malam Ulang Taun Ke-25 SIDS Pampang Sri Aman

Kaban SIDS Sibu udah nemuai sereta nyukong pengawa SIDS Sri Aman ke nyambut ulang taun sida ke 25 kemari, 3 November 2012.  Tahniah ngagai SIDS Sri Aman laban udah mujur nyerakup sereta ngemansang ka bala indu di Sri Aman sekumbang 25 taun ti udah.

Ari kiba: Puan Rosalind Sandah, Puan Magdaline Sinah, Puan Christina Nyudang, Endu Michelle Hildalyne, Puan Catherine Kundau, Puan Timah Unggit, Encik Gilbert Peter, Puan Teresa Suli

Encik Paul Igai, Setiausaha Politik ngagai Tan Sri Dato Sri William Mawan enggau bala EXCO SIDS Sri Aman motong kek ulang taun SIDS Sri Aman

Tahniah!

Tahniah ngagai Engr. Kimberly Jayum 
(anak menyadi Pengerusi SIDS Sibu, Ir. Alice Jawan) ke tembu pelajar iya ari Universiti Putra Malaysia alam Bachelor of Engineering (Civil) (Honors) kena 13 Oktober 2012 tu kemari.  Besampi ke iya bejaya alam semua pengawa serta mega ngenatai ke pengaga ati ngagai sida sebilik.  Tahniah ngagai Prof. Dr. Jayum sebilik.  Prof. Dr. Jayum tu siko ari professor kitai Iban ke selalu amat mantu SIDS Sibu meri randau.

Engr. Kimberly Jayum

SIDS SIbu mega ngenatai ke jako Tahniah ngagai Cikgu Hilary Tikok.  Iya bulih Bacelor Sastera (Bahasa & Linguistik Melayu) mega ari Universiti Putra Malaysia kena 15 Oktober 2012.  Cikgu tu siko ari kaban SDNU Sibu Jaya, lalu selalu bekerjasama enggau SIDS Sibu maya ngintu pengerami.

Cikgu Hilary Tikok 

 

Ngabas Bala Augus Rumah .... 3 November 2012

Ngalih hari kemari, kami sebuat bisi nemuai ngagai Pn. Japai Ak Maseng di Rh. Maling, Sg. Aup, Sibu ke ditinggang penusah rumah augus kena bulan Oktober tu kemari.  Bala ke kin diulu ke Ir. Alice Jawan, Pengerusi SIDS, Sibu serta mega enggau Sekretari, Pn. Angelyn Uchi Maseng, Pemegai Wang, Pn. Molly Dau, serta mega bala kaban ke bukai.

Maya din, Sarakup bisi nyerah ke duit tulong ngaga Pn. Japai; serta mega ngabas tapak rumah iya ke augus.  Sarakup Sibu endang bisi Tabung Bencana ke disedia kena nulong bala kitai Dayak ke bisi kena penusah.  Taja pemeri mit, tu semina nanda ke penyinu ati bala Sarakup ke bala kitai Dayak ke ditinggang penusah.

Pn. Japai tu menyadi Sekretari, Pn. Angelyn Uchi, lalu bala ari Kawasan Rejang Park mega bisi meri tulong, ngenatai ke penyinu ati.
  

 Ir. Alice Jawan, Pengerusi SIDS Sibu, nyua ke duit tolog ngagai Pn. Japai Ak Maseng.

Bala kaban ke bisi enggau ianya  (kiba-kanan):  

Pn. Julia Manik, Pn. Christina Abang, Pn. Molly Dau (Pemegai Wang), Pn. Japai, Pn. Magdalene Sigie, Ir. Alice, Pn. Angelyn Uchi Maseng (Sekretari), Pn. Tamoh (Tuai Kawasan Aup)

Ari kitai berSarakup mega, kitai bulih bakih!  Sida tiga tu rindu-rindu begambar enggau payung besai sida!

Congratulations!

Kaban Sarakup Indu Dayak Sarawak (SIDS) Sibu meri ucap tahniah ngagai Naib Pengerusi sida, Puan Catherine Kundau sempena graduation kedua-dua anak iya, Michelle Hildalyne Jering Anthony Luta enggau McCrea Joseph Pererra Anthony Luta maya Majlis Konvokesyen Universiti Malaysia Sabah ke-14 ti udah nyadi 20 enggau 21 Oktober 2012 tu tadi.  Endun Michelle Hildalyne Jering megai pengawa ahli EXCO (Sosial) SIDS Sibu sereta admin blog tu mega.Tahniah ngagai seduai iya, arapka mujur belama dalam semua pengawa.

McCrea Joseph Pererra Anthony Luta

Ijazah Sarjana Muda Kejuruteraan Dengan Kepujian

(Kejuruteraan Elektrik Dengan Elektronik)

Michelle Hildalyne Jering Anthony Luta

Sarjana Pengurusan Modal Manusia

Ari kiba: Endun Michelle Hildalyne Jering Anthony Luta, Encik Anthony Luta, Puan Catherine Kundau, McCrea Joseph Pererra Anthony Luta

Majlis Makai Malam Ulang Taun SIDS Sarikei ke 25

Kena ke 28 September 2012 tu tadi, kaban SIDS Sibu udah enggau nyukong pengawa majlis makai malam SIDS Sarikei beserimbai enggau nyambut anniversary sida ke 25 taun.  Tuai pengawa tauka patron malam nya ianya YB Tan Sri William Mawan.  Macam-macam pengawa udah diatur kena malam nya kena ngerami ulang taun penubuhan SIDS Pampang Sarikei.

Bala kaban SIDS Sibu ke udah datai malam nya

YB Tan Sri William Mawan motong kek kena simbolik nyambut ulang taun penubuhan SIDS Sarikei ke 25 taun

Nemuai ke SIDS Sibu Kawasan Naman kena 8.9.2012

Kena hari enam tu kemari, bala EXCO & kaban SIDS Sibu bisi nemuai ngagai bala kaban di Kawasan Naman.  Kawasan Naman tu ditubuh ke lebih kurang 5 taun ke udah lalu sida bisi kaban kira 40 orang.  Tang ke dikerindu amat dipeda aku aba Naman tu ianya sukong sida ke laki & Tuai Rumah2 sida chukup manah serta padat.  Keterubah semua nemuai, kami ba Rumah Geruna, lalu ke sekali tu aba Rumah Pop. 

Rumah Pop tu lebih kurang 45 minit ari pasar Sibu, ngelayang jambatan Durin (tang enti iya Adrianna driba (F2 driver kami tu, 20 minit nyangka datai!!) lalu pemansang megang chukup manah ari segi ai, jalai & api.  Maya kami kin 5 taun ke suba, jalai 'country', ai nadai etc; tang diatu jalai sida manah, sekeda benong digaga.  Batang paip ai mega dipeda berserera di tisi jalai.  Puji Tuhan sida udah maju agi; nyangka nya laban SIDS Sibu kin kini, berati ke pemansang kitai!

Pengawa ke diadu ke aba Rh. Pop Ak Chendang tu ianya siti ari aktiviti taun ke batang tuju ianya:-

1.  Berkelala enggau lebih semak bala kaban di Naman

2.  Nerang ke atur-atur SIDS Sibu

3.  Mai randau/penemu ke bala kaban kena nambah ke penemu.

Lebih kurang 90 bala kaban bisi datai enggau ngulu randau; lalu kira-kira 60 bala kaban ari kawasan bukai di Sibu.  Bala sida ke laki, biak & tuai serta anak-anak mit mega bisi enggau ngulu ninga randau ke dibai.  Ke sekali tu, 2 orang dibai berkongsi ke penemu pasal peluang belajar serta pengelaman berkerja.  Seduai tu ianya:-

1.  Professor Dr. Jayum Jawan, professor ari Universiti Putra Malaysia

2.  Cik Adrianna Christopher Tegong, surveyor

Terima kasih ke seduai ke ngulih kelimpang ke masa enggau bala Sarakup serta mega bala ke bukai ke ulih enggau.

Pengerusi SIDS Sibu, Ir. Alice Jawan nyua ke tanda pengingat ngagai Cik Adrianna.

Professor Dr. Jayum Jawan nerima tanda penginat ari Pengerusi SIDS Sibu

En. Chuhan nyua ke tanda pengingat ngagai Pengerusi SIDS Sibu

Pn. Regina Emu nerima tanda pengingat ari siko bala anembiak Rh. Pop

Bala kaban merarau

Bala kaban biak ke bisi

Bala kaban ari Naman (baju gadong)

Bala kaban ari Sukun merarau.

Bala kaban ari benong rindang nyepi panok lauk sida kaban ari Naman

Bala indu ke bisi enggau

Pengerusi Ir. Alice, Naib Pengerusi Pn. Kundau & kaban Exco Cik Michelle

Inie tuai tu berumur 103 taun, lalu ngaga ati meda iya pen agi rajin enggau bala SIDS berandau serta mending ke randau ke dibantai

Bala kaban Naman

Bala band ke nyambut penatai bala kami.

Bala Exco SIDS Sibu & Prof. Dr. Jayum Jawan (kiba)

Ruai 13 iti penuh enggau bala kaban Sarakup & sebilik sida.

Anembiak ke chukup sigat & bajik ngelalu ke penatai bala Sarakup di Rh. Pop

Sambut ari TR Pop enggau bala anembiak iya chukup manah & penuh basa.  TR Pop ngelalu ke penatai bala mayoh.

Perangsang Pelajar ke Nelson Ak Sanda bisi disua ngagai indai iya, Pn. Nancy.  Nelson bulih pemutus PMR ke chukup manah serta Pn Nancy kaban ari Naman.

Bergambar kenangan enggau Prof. Dr. Jayum Jawan & Cik Adrianna Tegong

Terima kasih ke sukong semua bala.