Belajar Manok Lauk Rh. John Lalong, Ulu Teku kena 1.4.2012

Semua bala Sarakup & bala indu aba Ulu Teku dipinta nurun ngagai Rh. John Lalong kena 1 April 2012 belaboh ari jam 2:00 lemai.

Program tu diadu ke begulai enggau KEMAS.  Terima kasih.

Pn. Rose Chukan

Tuai Kawasan Ulu Teku

Seminar, AGM & Makai Malam SIDS ke 20 kena 10 Mac 2012

Hari enam tu kemari, kena 10 Mac 2012, SIDS Sibu bisi ngatur Aum Besai Sekali Setaun aba Tanahmas Hotel, Sibu.  Berserimbai enggau aum nya, siti seminar 1/2 hari serta makai malam bisi diatur.  Sehari nya bisi 320 orang bala kaban Sarakup bisi enggau nguluk seminar, aum & makai malam.

Bala Sarakup bernasib endal laban siko ari profesor madya Indu Iban kitai ulih limpang enggau kitai berkongsi ke penemu iya tentang pemansang kitai indu.  Professor Madya Dr. Madeline Berma ari Fakulti Ekonomi & Pengurusan, Universiti Kebangsaan Malaysia ke mega nya Pengarah, Pusat Kepimpinan Wanita UKM.  Siko indo Iban ke chukup landik bejako serta bepenemu.

Meri besai terima kasih asoh Prof. Madya ke ulih limpang. 

 

Professor Madya Dr. Madeline Berma benong mantai ke penemu iya 

tentang pemansang kitai indu Iban.

 

Ir. Alice Jawan, Pengerusi SIDS Sibu nyua ke tanda pengingat & 

terima kasih ngagai Prof. Madya Dr. Madeline Berma. 

 

Ir. Alice benong ngulu ke Aum Besai Sekali Setaun SIDS, Sibu.

 

Bala kaban & Exco benong merati ke buah aum serta ninga ke reput.

Atur bepilih mega bisi dipejalai ka.  Tahniah ngagai bala ke udah dipilih ngatur pengawa ke 2012-2013 tu baka ke dibaroh:-
Pengerusi:               
Ir. Alice Jawan
Timbalan Pengerusi:
Pn. Catherine Kundau
Sekretari:                
Pn. Uchi Maseng
Penolong Sekretari: 
Pn. Teresa Suli Noel
Pemegai Wang:       
Pn. Molly Dau
Penolong Pemegai Wang:                   
Pn. Timah Unggit
Kaban:                   
Pn. Rosalind Sandah
Pn. Sitie Tuba
Pn. Priscilla Bunsi David
Pn. Magdaline Sigi
Cik Michelle Hildalyne Anthony
Co-opted:               
Pn. Magdalen Sinah
Pn. Monica Giri
Advisor:                  
Pn. Catherine Nain Abit

 

Tu bala kaban EXCO ke dipilih megai pengawa ke taun 2012-2013.

 

 Pengerami Makai Malam bisi diatur ke semua bala ke enggau AGM.  Temuai ke dipebasa ke malam nya ianya YB Encik Joseph Mauh, ADUN Tamin.  Terima kasih ke penatai iya serta mega geran ke diberi iya.

 

Bala kaban ari Kawasan Sentosa mantai ke bungai lingok sida.

 

Prof Madya Dr. Madeline Berma & Ir. Alice Jawan, Pengerusi SIDS Sibu.

Dua iko indu Iban kitai ke dijadi ke CONTOH pemansang kitai indu Iban!  Arap ke bala kitai indu Iban ke landik-landik ulih bergempong serta berunding ke pemansang kitai.

 

Valerie, anak Pengerusi SIDS Sibu, ke siko ari penerima insentif pelajar UPSR ari SIDS Sibu.

 

Siko ari anak Sarakup ke nerima insentif pelajar.

 

Anak Cikgu Embai, siko ari pelajar ke nerima insentif pelajar ke PMR.

 

Prof Madya Dr. Madeline Berma meri bungai ngagai Bujang Paku Lawang, 

En. Augustine Merikan ke mega nyadi MC pengawa ke malamnya.  

Prof lalu dibai mantai ke suara emas!

 

Kaban ari Kawasan Maludan mantai ke Zumba!  Stedi amat! (link ngagai video: http://www.youtube.com/watch?v=Zrf2uPSlxrw&feature=youtu.be)

 

 

Bala kaban berintai ngemantai ke baju dero ke chukup manah!

 

Kaban ke baru datai ngulu makai malam.  

 

Kawasan Sibu Jaya mantai ke main sida!

 

Bala EXCO SIDS 2012-2013 berintai nyendia ke diri ngangat sumpah maku pengawa.

Terima kasih ke sokong & penatai semua bala ke seminar, aum & makai malam.  Betemu baru taun baru bulan April 2013 lalu ingat juluk ati kitai mai 800 orang kaban enggau.  Pemayoh tubuh kaban SIDS Sibu setakat 31.1.2012 ianya 1,220 orang!!

Program 1Karisma NGO di Stadium Bukit Jalil kena 4 Mac 2012

SIDS Sibu bisi dikagau ke Kementerian Pembangunan Wanita, Keluarga & Masyarakat enggau siti progrim sida 1Karisma NGO kena 4 Mac 2012 aba Stadium Bukit Jalil belaboh ari jam 9pagi - 2lemai.  Ari Sarawak, nengah Biro Wanita Sarawak, bisi beberapa iti gerempong orand indu ianya DBNA, OUNA, KWOUNA, WOW Sarawak, serta SIDS Sibu.  Siti gerempong dikagau ke sida 3 orang bala indu. 

Gaga ati laban tu meh ke terubah iya Biro Wanita ngagau ke SIDS Sibu ngari ke kitai indu Iban/Dayak ke pengawa ke besai baka tu.  Kira-kira 20,000 orang ke bisi datai ke stadium pagi nya; serta pengawa nya dipejaki ke YAB Dato Sri Najib, Perdana Menteri Malaysia.

Ari SIDS Sibu, pengari ianya Pengerusi, Sekretari & Pemegai Wang SIDS Sibu.  Bala kami sebuat bekejang kena 3 Mac ngalih hari lalu pulai kena 5 Mac. 

Gerempong-gerempong indu ari Sarawak mega bisi diasoh sida bejako ngenatai ke jako terima kasih/mantai ke penemu.  Biro ngeletak ke WOW Sarawak ngari ke kami; tang sinu ngah laban maya tuai sida bejako, iya madah ke diri ngari ke gerempong diri iya empu aja.  Taja kami ke bukai semina dipadah ke asoh niki stage maya pagi nya penatai di stadium serta penganjur madah ke pengari kami bisi diasoh nyebut kami.  Iya ke bejako nya pen mega bisi dipadah ke baru pagi nya; sinu iya enda ulih ngubah mimit leka jako ke udah ditulis iya nya alam kandang 2 jam; ngambi ke nyerakum gerempong-gerempong bala kami ke bisi enggau iya dia.  Gerempong bukai bisi ngenatai ke enda penyenang ati sida alam hal tu. 





Kiba-Kanan: Sekretari, Pn. Uchi Maseng, Pengerusi, Ir. Alice Jawan

& Pemegai Wang, Pn. Magdalen Sinah

Maya dia, Pengerusi, Ir. Alice bisi mega sempat betemu serta berandau enggau YB Senator Doris.  Senator Doris tu siko ari tuai kitai indu Iban ke patut ke nyadi perangsang. 

Begambar begulai ianya bala tuai-tuai gerempong sida Lun Bawang, DBNA & Kayan.

YB Datuk Sharizat mega bisi ngelawa bala kami ari Sarawak.

Sekeda bala kitai indu etnik/Dayak ke enggau progrim 1Karisma NGO.  Sida DBNA, SIDS, Sibu & KWOUNA/OUNA.  Tubuh kami bisi 17 orang; ianya ke nadai alam gambar bala anembiak Penan (sida enda ngena pakaian traditional), serta Margaret Bedus (Women for Women Sarawak).

Aktiviti ke mayoh endal nya, ngerindang! 

Nya alai bala indai-indai tu ngambi peluang begambar enggau penyanyi popular tu! 

Merarau asi campur kami tengahari nya. 

Seduai ke baju mansau nya lapar endal, lengis pinggai plastik seduai! :)



Sekali agi, terima kasih ke Biro Wanita Sarawak ke udah meri SIDS Sibu peluang betemu enggau PM!