SIDS Sibu Christmas Hi-Tea .... 1 December 2013

 Setiap taun, bala kaban orang biak endang bisi ngatur pengerami serumpu Krismas; lalu ke taun tu sida iya ngatur Krismas Hi-Tea di RH Hotel.  Manah amat progrim ke diatur sida ke nyengkaum main, belagu, bedansa ke bala kaban.  Taun tu bisi 150 orang kaban ari 18 kawasan bisi enggau ngulu pengawa nya.  Tu meh maya iya bala ke 'senior' releks serta ngerindang diri.

Maya hi-tea tu tadi, bisi 3 iti pengawa ke mega di atur.  Keterubah, iya, sida ke enggau Kelas Ngaga Selampai Manik, kena sida iya ngemerasang diri; sida iya lalu meri prais ke bala ke enggau kelas.  Bala ke menang ianya Pn. Magdalene Sigie, Pn. Unau Ak Matu, enggau Pn. Lily Chiu ke beripih bulih no 1, 2 enggau 3.  Bisi 10 bala kaban ke enggau ngaga Selampai Manik.

Bala ke enggau Kelas Ngaga Selampai Manik begambar begulai enggau Penasihat SIDS Sibu, Pn. Catherine Nain (kanan endal), Pemegai Wang Pn Monica Giri (2 ari kiba) enggau Pengerusi SIDS Sibu, Ir. Alice.

Selampai-Selampai Manik ke udah tembu digaga.

Tu bala kaban ari Permai ke betuai ke Pn. Jessie menang maya sida bemain.  Gerup sida menang main niup belon paling mayoh!

Pn. Monica begulai enggau bala ari Permai ke diketuai ke Pn. Jessie.

Bala ke udah tembu Kelas Nenun Selampai mega bisi diberi Sijil tembu kursus maya lemai tu tadi.  Sijil sida disua ke Pn. Catherine Nain, Penasihat SIDS Sibu.

Bala SIDS Sibu mega nyukong pengawa ke ngumpul 'soft toy' ke dipejalai ke Aum Betaun Besai Methodist Malaysia.  'Soft Toys' tu diserah ke Pn. Catherine Nain, ngagai Pn. Monica Giri, Tuai Bala Indu Gereja Methodist Sibu ke mega nyadi Pemegai Wang SIDS Sibu.

Pn. Monica nyambut 'soft toys' ari SIDS Sibu

Bala indai-indai mega diperindang ke bala anak-anak Sarakup ke bisi enggau enggau Koir lagu-lagu Krismas.  Terima kasih!

Koir bala Anak-Anak Sarakup

 Terima kasih ngagai bala Komiti Pengatur tu iannya Endu Michelle Anthony, Endu Claudia Deo enggau Endu Maureen Gilbert.  Atur kita chukup manah.  Tu meh pelapis Sarakup alam masa ke deka datai ila.

SELAMAT NGINTU HARI KRISMAS

& 

BESAMPI KE ALLAH TAALAH MERKAT SEMUA KITAI SELALU.

Kelas & Pekit Ngaga Selampai Tenun di SIDS SIbu Kawasan Naman ... 23 November 2013

 SIDS Sibu Kawasan Naman bisi ngatur sti kelas nenun selampai belaboh ari bulan Jun tu kemari.  Kelas sida iya tembu bulan Oktober tu, lalu SIDS Sibu ngatur siti semina di kawasan nya.  Semina tu diatur begulai enggau Biro Wanita Sarawak.

Semina setengah hari diatur kena 23 November 2013 di Rh Geruna di Sg Naman belaboh ari jam 9:00 pagi ngagai 2:00 lemai.  3 iti kertas kerja dibai oleh Pn. Teresa Suli Noel - Ngemansang ke Kraft Dayak serta Bedgagang ke Kraft Dayak, Pn. Angelyn Uchi Maseng mai kertas kerja pasal Ngemansang ke Gerempong, lalu Pengerusi SIDS Sibu mai senentang Motivasi Ngadu ke Kraft/Dagang ke Kaban SIDS.  Maya nya bisi kira 90 bala kaban Sarakup ari Naman, Aup, Pasai, Permai, Sukun, Seduan enggau bala EXCO bisi ngulu.

Tuju semina ianya bakani kitai Sarakup ulih ngelaboh ke industri 'cottage' di setiap kawasan, lalu bakani Sarakup ulih mantu.  

Kawasan Naman tu meh kawasan ke terubah ngadu ke pengawa senentang tenun pua.  Kawasan bukai baka Pasai, Maludan & Permai bisi udah ngelaboh ke kraft ngaga marik manik enggau berjait ke baju.  Pengandal endang bala Sarakup ulih mujur lama ngaga kraft tu.

Selampai sida tu mega lalu dipekit ke.  Prais sida ianya:

No. 1 - RM60.00

No. 2 - RM50.00

No. 3 - RM40.00

Saguhati - RM20.00 ke semua peserta.

Pengerusi, Ir Alice, enggau bala akim ianya Pn Teresa Suli Noel, Pn Monica Giri, Pn. Priscilla Bunsi David

Pn Angelyn Uchi Maseng, Sekretari SIDS Sibu & Ir Alice enggau bala akim meda pekakas tenun bala peserta.

Pemeri ari SIDS Sibu Naman & Rh Geruna

Bala kaban SIDS Sibu Naman nyambt penatai bala ari Sibu

Bala ke bisi enggau ngulu semina 1/2 hari di Rh. Geruna

Pemenang No 1 Pekit Tenun Selampai, Pn. Jelening Ak Utang

Bala Pelajar Penenun

Tenun ke dipelaboh ke sida baru

Tuai Kawasan Naman, Pn. Senah Chendang mega bisi enggau belajar/bepekit

Kereban tenun

Pemeri ari SIDS Sibu ke Tuai Kawasan SIDS Sibu Naman

TAHNIAH Elizabeth Raymond

Bala kaban SIDS Sibu - Maludan bisi nemuai ngagai Pn. Elizabeth Raymond, ke baru bisi anak indu iya Miss Gulang (sipaku Gilang ... munyi ko iya! :)  ).  

Bala bisi ngagai iya di Rantau Kemiding, Kanowit kena 2.11.2013.

 

Tahniah ngagai iya enggau apai tuai iya, En. Jacques.

Kiba-Kanan:  Pn. Lynda, Cik Mundun, Pn. Elizabeth & Miss Gulang, Ir. Alice & Miss Val

Aum Besai Tuai Raban Bansa Sarawak 2013 ..... 11-13 Oktober 2013

Aum Besai Tuai Raban Bansa Sarawak 2013 bisi diatur ba Kubu Sylvia Kapit belaboh ari 11 ngagai 13 Oktober 2013 tu kemari.  SIDS Sibu berasai bertuah laban bisi dikagau ke enggau ngulu aum besai tu.  Maya nya kemari, wakit SIDS Sibu ianya Penasihat, Pn. Catherine Nain Abit.

Pn. Catherine Nain

SIDS Sibu enggau Borneo International Beads Conference 2013 kena 11-13 Oktober 2013 di Kuching...

Ujung minggu tu kemari, Pengerusi SIDS Sibu, Ir. Alice Jawn, enggau Penolong Sekretari, Pn. Teresa Suli Noel, bisi enggau nguluk Borneo International Beads Conference 2013 di Kuching.  Tuju seduai enggau ngambi ke bisi berati ke bakani kitai ke di Sibu enggau enggau bekecepong alam pengawa ngaga buah manik tu.  Endang beberapa taun tu, Ir. Alice endang ngansak bala kaban SIDS enggau alam progrim 'cottage industry' ke bisi diatur printah.  Antara pengawa ke beberapa taun tu dibai iya, ianya senentang 'homestay' lalu ke diatu begaga ke kraft baka pua kumbu, tikai, enggau manik. 

Mayoh bengkah cara nali leka marik serta cara-cara ngaga bungai leka marik ari buah dabai, kertas dll mega bisi di ajar.  Arap ke seduai iya ulih mai sekeda penemu ke ulih dikunsi enggau bala raban Sarakup ke bukai.

Ir Alice & Pn. Teresa aba BIBCo

Alam siti randau ke dibai bala Paiwan ari Taiwan.

Begambar begulai enggau Datin Senorita & YBhg Datuk Seri Empiang, Chairman SIDS, ba Gala Dinner.

Begulai enggau bala SIDS Kuching ie Margaret (kanan amat), Susana (dua ari kanan) serta Noelle (SDGA)

Bengkel Kecantikkan & Dandanan Rambut ... 14.9.2013

Pengawa bala SIDS Sibu maya hari enam tu kemari ianya - betemu alam Bengkel Kecantikkan & Dandanan Rambut ke diatur di Paramount Hotel.  Bengkel nya belabuh ari jam 8 pagi ngagai 4:30 lemai.  Tang ketegal bala ke terlalu berminat, sampai enda ngetu ngirup; kami ambis tumu agi.

Kira bisi 50 orang kaban Sarakup bisi enggau berbengkel seharinya.

Pekara ke diajar ianya pasal ngehias mua (make-up) serta ngadu ke buk.  Chukup manah serta senang amat dititih, lalu pengubah berupai endal dipeda.

Penasihat, Pn. Catherine Nain enggau bala ari Penasu ianya Pn. Emu

Bala ari Menyan, Sentosa, Rantau Panjai - sibuk ngelut ke cat di mata!

Bala anak-anak Sarakup mega bisi enggau.  Bala ari Permai.

Bala Penasu, Permai & Maludan. 

Tu sekeda bala ke enggau ber bengkel.  Sekeda malu mantai ke mua/buk bergaya, nya alai enda enggau bergambar.

Terima kasih ke pengatur program, Pn. Teresa Suli Noel, Pn. Angelyn Uchi Maseng & Ms Rose Chukan.

6th Iban Cultural Symposium kena 22 - 24 Ogos 2013

Minggu nyin kemari, kami bala Sarakup bisi dikagau enggau ngatur/nulong alam komiti ngatur Simposium Budaya Iban ke 6 ke diatur di Kingwood Hotel, Sibu.  Kami SIDS Sibu diberi tugas ngatur pemakai; tang pengudah nya mega nulong nyendia ke moto, ngatur pengerami malam pemuka & penutup, serta pengawa ke bekait.

Simposium ke sekali tu betema "Berakup Sarawak, Nguntngka Semua' (Harmonious Sarawak Prosperity for All); lalu iya diatur dua (2) hari belaboh ari 22 - 24 Ogos.  Empat iti kertas kerja ke bisi dibantai ianya:
1.  ‘Malaysia – 50 years after – Iban Appraisal’ olih Assoc Prof Dr Neilson IlanMersat
2.   ‘Tanah Pesaka Roadmap to Prosperity’ olih Kilat Beriak.
3.  ‘Politics of Development Revisited: Iban Perspective’ olih Prof Dr Madeline Berma
4.   Moribund Culture di bai olih En. Janang Ensiring & YBhg. Datu Nillie Tangai.
Siti agi randau spesial dibai olih Minister in the Prime Minister’s Department, Senator Dato’ Sri Idris Jala ke betajuk ‘Rural Transformation Programme – to accelerate the pace of Rural Development in Sarawak' kena malam 23 Ogos.

Resolusi ke mega bisi disedia ke bala komiti.  Tu meh ke tau nyadi misi tauka juluk kitai. Semina pengurang iya, laban maya ke diatu bisi 'target'/KPI etc; maya simposium nadai ngeletak tempoh masa resolusyen tu patut dicapai/nyadi.

Resolusyen Simposium ari keratan berita Borneo Post 28.8.2013

Bisi lebih kurang 20 orang bala SIDS Sibu enggau ngulu simposium, lalu meri terima kasih ngagai Komiti Pengatur ke udah mai bala.  Sekeda ngerista nengah opis, lalu sekeda terus ari SIDS Sibu. Bala ke enggau simposium endang bala professional & tuai-tuai komiti.

Nangka meh pemanah iya enti semua kitai berserakup ngenan ke bangsa enggau menoa.  Arap ke tu ulih nyadi siti platform kitai Iban Begulai Sejalai Sepenemu. Kitai ulih bisi penemu ke belain, tang tuju kitai sama.  "Let's Agree to Disagree" alam sekeda pekara, tang semengat penyerakup ngemansang ke menoa kering.  Awak ke kitai nepan perahu/moto ke belain, tang adan ke dituju kitai sama.  Ngambi ke laju ulih matak ke lubah.  Ke lubah mega ulih ngejuk/ngejulut ke dulu agi. 

Tu sekeda gambar-gambar ke diambi bala maya simposium.

Gambar pemulai ari Pengerami penutup begulai engau YB DCM.  Ke bisi alam gambar tu mega ianya ari kiba ke kanan: Pn. Bunsi (Exco SIDS Sibu), Prof. Dr Jayum Jawan (profesor Iban ke terubah), Tan Sri Linggi (Tun Jugah Foundation/pengatur simposium), YB DCM, Pn. Chumang (DO indu Iban keterubah), Assc. Prof. Dr. Madeline Berma (Assc. Prof, indu Iban ke terubah), pengari simposium, Ir. Alice Jawan (indu Iban teruba Engineer/Pengerusi SIDS Sibu) & En. Steven Rom (Pengerusi SDNU Sibu Jaya)

Bala anak SIDS Sibu, Kumang, Keling Gawai/BCDF Sibu - ngiring temuai tama dewan

Bala anak-anak Sarakup/Kumang Gawai Sibu begulai enggau (kiba ke kanan) Ir. Alice (Pengerusi SIDS Sibu), Assc Prof Dr Madeline Berma, Pn. Catherine Kundau (Timbalan Pengerui SIDS Sibu) & Cik Claudia Deo (Exco SIDS Sibu)

Bala SIDS Sibu, Kawasan Permai serta mega ke nyadi penaboh malam penutup.  Pn. Jessie Hillary (Tuai Kawasan/baju biru)

Kaban/Exco SIDS Sibu ke betugas malam nya.

Tuai-Tuai raban Iban ke enggau simposium.  Pemanca Valerie Manyi ke nyadi pemanca indu Iban ke terubah.

Bala Exco begambar sebedau betugas ba malam penutup. Kiba -Kanan: Pn. Catherine, Pn. Bunsi, Pn. Sinah, Pn. Monica, Pn. Catherine Kundau, Ir. Alice, Pn. Uchi, Pn. Teresa, Cik Lynner, Pn. Regina, Pn. Timah

Pengerusi SIDS Sibu, Ir. Alice Jawan, begulai enggau bala 'temuai' ianya Pemanca Valerie Manyi, Assc. Prof. Dr. Madeline Berma, Datin Senorita Linang & Prof. Dr. Jayum Jawan

Bala anak ke ngajat maya pemuka simposium.

Bala anak ke ngajat maya penutup simposium.

Sekeda bala SIDS Sibu ke bisi enggau simposium.  Kiba ke kanan: Cik Mundun Undau, Pn. Elizabeth Raymond, Ir. Alice Jawan, Kaban SIDS Sibu, Pn. Teresa Suli, Pn. Rose Chukan.

Barisan bala ari Lembaga Air Sibu ke bisi enggau ngulu simposium.  Kiba ke kanan: En. Raymond Menjang, Cik Mundun Undau, Ir. Alice Jawan (ke mega Pengerusi SIDS Sibu), Pn. Elizabeth Raymond & En. Bren Jambul.

Terima kasih ngagai semua bala Exco/Kaban ke nulong maya simposium tu; lalu berasai gaga amat maya pengawa kitai dikelala bala tuai-tuai ke bisi datai serta mega bala 'participants'.  Tu didinga ari tempap jari ke chukup kuat maya penama SIDS Sibu di sebut.  Terima kasih semua bala kaban/Exco, kelebih agi terima kasih ngagai Pn. Angelyn Uchi, Pn. Teresa Suli, Cik Michelle Hildalyn Anthony, enggau Cik Claudia Deo ke pengerak pengawa maya malam pengerami kedua-dua nya.

Nemuai ngagai Pn. Helen, kaban SIDS Sibu Kawasan Rantau Panjai kena 4.8.2013

Sinu endal ngah ninga berita siko agi kaban SIDS Sibu ke ba Kawasan Rantau Panjai kena penusah rumah iya augus pun bulan Ogos tu suba.  Pn. Helen diau ba Rh. Franky di Rantau Panjai, lalu rumah iya diantara beberapa rumah ke augus diak.

Bala Sarakup bisi nemuai ngagai bala di Rh. Franky kena 4 Ogos tu suba, nganjung tulong SIDS Sibu.  Bala ke bisi enggau ianya Pn. Uchi Maseng, Pn. Loryna Leman, Pn. Lidwina, Pn. Norlisa, enggau bala bukai.  Ngari ke SIDS Sibu, Ir. Alice Jawan, Pengerusi SIDS Sibu bisi nyua ke tolong ari Sarakup serta mega ari ngumpul kaban ngagai Pn. Helen.

Ir. Alice nyua ke tolong ngagai Pn. Helen.

Ir. Alice nyua ke tolong ngagai semua bala ke augus nengah TR Franky

Bala kaban ngabas endor ke augus.

Arap ke bala kaban bukai tau mansang nganjung tolong ngagai sida, laban bisi 6 buah pintu bala ke augus rumah pendiau sida, lalu beguna amat ke bantu ari setiap kitai.

Nemui Hari Raya Aidil Fitri 2013 kena 8 Ogos 2013

Meri Selamat Hari Raya Aidil Fitri ngagai semua bala kaban Sarakup serta sebilik sida ke beragama Islam.  Taun tu mega, bala kaban Sarakup bisi berkumpul ngabang ngagai Pn. Maria Taloh enggau Cikgu Idris B Drahman sebilik maya Hari Raya ke taun tu. 

Cikgu Idris B Drahman & Pn. Maria enggau bala SIDS Sibu, serta Penghulu Philip Kayak (berdiri ari kiba) & Prof. Dr. Jayum Jawan (berdiri dua ari kanan)

Meri Bantu Ngagai Bala Mangsa Angus Rumah Di Kg. Datu / Hilir

Kena ke 24 Jun 2013 tu tadi, SIDS Sibu udah nyua ka bantu mimit ngagai bala ke angus rumah di Kg. Datu/Hilir nengah Chairman Komiti Bencana Kg. Datu/Hilir, Residen Bahagian Sibu, Encik Sim Kok Kee. Arapka bantu tu, taja enda maioh, ulih nulong sida ke udah angus rumah nya nerus ka pengawa sida seari-ari.

Sekeda ari bala EXCO ke bisi enggau nyua ke donation nya

Ari kiba: Pn. Magdaline Sigi, Pn. Monica Giri, Pn. Catherine Kundau, En. Sim Kok Kee, Endu Michelle Hildalyne Jering & Pn. Catherine Tamoh

Ngabas Rumah Peter Pengabang di Naman kena 25.5.2013

Baka kaban EXCO SIDS Sibu, diketuai ke Pengerusi Ir. Alice Jawan bisi nemuai lalu ngabas bala kaban & anembiak Rumah Peter Pengabang di Naman, Sibu ke kena penusah rumah panjai angus sebedau Gawai tu kemari. Bisi kira-kira 10 iko bala EXCO & Tuai Kawasan nurun ke Naman pagi 25.5.2013 tu kemari.  Kaban ari peliling Naman bisi lebih ari 50 orang kaban, ke diketuai ke olih Pn. Senah Chendang.

Maya ke kin, wakil TR Peter Pengabang nerima bantu mata duit ari SIDS Sibu.  Tulong ngagai sepintu kaban, ianya Pn. Rose Ak Unjong ke serumah diak mega bisi diberi.  Bant bukai, ianya bantu sebilik rabat, mega bisi diberi ngagai Pn. Munai Ak Kuyuk.

Ngambi bala pembaca nemu; bala anembiak 9 buah pintu tu beguna amat ke tulong ari bala mayoh, lalu ngarap ke sekeda bala ulih mantu.

Pengerusi, Ir Alice, ngenatai ke jako sinu ngagai bala amenbiak rumah panjai.  Baju ngadong ianya bala kaban SIDS Sibu, Naman ke bisi enggau pagi nya.

Pengerusi, Ir Alice Jawan, nyua ke bantu rabat ngagai Pn. Munai Ak Kuyuk.  Sepiak kanan Pengerusi, ianya Pn. Senah Chendang, Tuai Kawasan Naman, begulai enggau Pn. Magdalen Sinah, Pn. Catherine Kundau & Pn Magdalen Sigie.

Pengerusi, Ir. Alice Jawan, nyua ke tulong ngagai kaban, Pn. Rose Ak Unjong, siko ari kaban ke augus rumah.

Pengerusi, Ir. Alice Jawan, nyua ke bantu ngagai wakil TR.

Terima kasih ke tulong semua bala kaban ari kawasan-kawasan ke bisi sama-sama meri tolong mata duit.