JAKU PESAN ARI
YB SENATOR DATO SRI EMPIANG JABU
CHAIRMAN SARAKUP INDU DAYAK SARAWAK
BESERIMBAI ENGGAU PENGERAMI MAKAI MALAM NYAMBUT
ULANGTAUN KE-20 SIDS PAMPANG SIBU
Terima kasih ka peluang ka diberi kita alai aku ngenatai ka seleka dua jaku beserimbai enggau pengerami makai malam nyambut Pampang Sibu cukup 20 taun. Enggau hati ti gaga kaku meri tahniah ngagai Pampang Sibu laban ti udah ulih begulai besarakup sereta begempung dalam pengelama 20 taun ka udah.
Pampang Sibu tu siti ari pampang SIDS ti aktif bendar ngereja pengawa. Sida selalu ngatur macam-macam aktiviti baik ari segi pelajar, pengerai, ekonomi tauka jalai pengidup bukai, kelebih agi ka bala kitai indu.
Kitai sama nemu, dalam Sarakup kitai ukai semina gawa bebendar ngemansang ka diri empu tang mega ngemansang ka masyarakat kitai, gawa ka menua enggau bansa. Sebaka enggau NGOs ti bukai, kitai Sarakup bekerja sukarela, betulung, besukung enggau menyadi kitai bansa bukai, mandang ka pengeras hati ti sama-sama deka ka menua kitai aman, bebaik enggau semua bansa, nitih ka konsep 1Malaysia Perdana Menteri kitai.
Aku mega mai kitai sama-sama gawa bebendar niri sereta negap ka Sarakup awak ka kitai enda rebah lalu tinggal singkang ba dunya kemaia hari tu. Nama Sarakup mesti selalu dijaga, awak ka kitai selalu dibasa, dikingatka sereta bisi ditampung sida ka rebak baru ila.
Tahniah Pampang Sibu!
Terima kasih.
YB Senator Dato Sri Empiang Jabu
Chairman
Sarakup Indu Dayak Sarawak
No comments:
Post a Comment
engkah komen kita ditu....