Friday, January 15, 2010

Tahniah Pn. Angelyn Uchi Maseng



Sekretari SIDS, Sibu - Pn. Angelyn Uchi Maseng, nemalam dipilih nyadi Presiden Kelab Sukan & Rekreasi SRDC (opis iya)!!  TAHNIAH!!!

Gaga bendal ati aku meda siko ari tuai kitai bala Sarakup dipercaya orang megai pengawa ke berat baka tu!  Tu nujuk kitai indu Dayak udah lebih matang serta landik ngerja pengawa.

Saturday, January 9, 2010

Kelas Sulaman Manik & Labuci

Kelas sulaman manik & labuci udah berengkah saritu tadi, bermula ari jam 1 ngagai pukul 4.  Terima kasih ngagai bala kaban SIDS ke ulih datai. Terima kasih ngagai bala cikgu mega, iya nya Pn. Catherine Kundau, Pn. Christina enggau Pn. Priscilla Bunsi.


 
 
 




 assignment minggu tu







contoh baju yang udah tembu

Thursday, January 7, 2010

Perambu Aktiviti - 2010

Baum ke-terubah bala Exco bisi udah diatur kena 2 Januari 2010 tu kemari aba Rumah SIDS, Sibu.  Sekeda pekara ke dikerandau ke bala iya nya ngatur/merambu ke aktiviti ke taun tu.  Kami bisi mega ngelansak ke cara bakani kitai ulih narit ati bala indu Dayak/Iban ke biak-biak enggau berSarakup.  Kami ngarap ke bala indu/orang ubas ulih meri penemu; tulis meh penemu kita ('feedback') nengah emel.

Perambu aktiviti ke deka diatur iya nya:-
1.  Aum Besai SIDS Sibu ke 18
Aum Besai tu deka diatur berserimbai enggau siti Randau pasal Motivasi Pelajar/ApaiIndai kena 27 Mac 2010 aba Paramount Hotel, Sibu.  Bayar siko ianya RM5.00 (kaban SIDS Sibu), lalu bala indu ke bukai deka dipinta mayar antara RM35.00 (semina & makai tengahhari). 
2.  Kerja Jari
Kelas Kerja Jari deka belaboh bulan Januari tu.  Kelas deka diatur setiap hari enam ke-2 enggau ke-4 di Rumah SIDS,Sibu ari jam 1:00 lemai ngagai jam 4:00 lemai. 

Kelas ke terubah iya nya belajar nyusuk buah manik aba baju.  Bayar siko iya nya RM10.00 (kos tu dikena meli pereka belajar).

3.  Kelas Ngajat
Kelas Ngajat mega deka diatur setiap hari enam ke-2 & ke-4 di Rumah SIDS Sibu ari jam 4 lemai ngagai jam 5 lemai.  Ngansak semua bala indu & bala anak Sarakup enggau.  Kajat ke diajar ianya mayoh macham baka poco-poco, twist, line-dancing, kajat Iban/Bidayuh/Kayan, serta ke bukai. 

Belaboh ari minggu tu, kajat ke diajar iya nya poco-poco.  Sampal meh kitai enggau!

4.  Pejalai Nemuai Ngagai Kaban
Progrim ke diatur begulai enggau Komiti Ngiga Kaban ianya nemuai ngagai 4 iti kawasan SIDS baka ke dibaroh:-
a)  Bukit Besai kena 6.2.2010
b)  Ulu Teku kena 7.2.2010
c)  Penasu kena 6.3.2010
d)  Permai kena 13.3.2010
Semua progrim tu belaboh jam 2:00 ngalih hari.  Sapa ke deka enggau ulih madah ke Tuai Kawasan kita empu tauka bala ke ukai/empai nyadi kaban ulih nulis surat nengah emel.

5.  Progrim Bukai
Progrim bukai ke udah diperambu ianya:-
a)  Lawatan ngagai Agape' Center, Sibu
b)  Randau Pengerai begulai enggau Poliklinik Lanang
c)  Sukanika
d)  Serumpu Hari Indai & Serumpu Krismas
e)  Semina begulai enggau Biro Wanita

Ngandal ke bala indu ke diau di Sibu sama bela enggau ngulu pengawa tu.

Maju Sarakup, Maju Indu Dayak, Maju Kitai!

Sunday, January 3, 2010

EGM SDNU SIBU 2010

Kena ke 3hb Januari 2010, SDNU Sibu bisi udah ngadu ke pengawa EGM tauka "Extraordinary General Meeting" ba Hotel Li Hua di Sibu ditu.  Meeting tu belaboh pukul 2.40 lemai enggau tembu maya jam 6.10 lemai.  Antara agenda utama aum tu ianya milih sapa bala delegasi ke bakal enggau TGM tauka "Triannual General Meeting" ba Kuching kena ke 30hn Januari 2010 serta berandau ke usul ke deka dikenataika maya TGM nya ila.  Perkara bukai ke berbangkit leboh aum tu tadi ianya pasal akaun pendam enggau hal-hal bukai.  Terima kasih ngagai bala kaban SIDS ke bisi datai leboh aum tu.

"The hand that rocks the cradle rules the world.."  :D


Persediaan sebedau belaboh meeting


Antara bala kaban SDNU enggau SIDS ke bisi datai  *singit sepiak perau,ney..hehe...*


Bala EXCO SDNU

Pemutus penemu aum EGM tu ianya:-
1.  SDNU Sibu/SIDS Sibu diberi tubuh pengari 7 orang, ianya 4 Exco SDNU Sibu serta 3 Exco SIDS Sibu,
2.  Resolusi ke deka dibai ngagai TGM deka di alus ke leka, sebedau ngirum ke surat.
3.  Bala SIDS Sibu mega diberi 3 orang pemerhati ke 'official'.