Hari enam tu kemari, ianya kena 9.7.2011, bisi 5 orang bala Sarakup enggau ngulu Sarawak Women's Forum 2011 di Hotel Kingwood, Sibu. Kira-kira 80 orang bala indu ari mayoh bengkah gerempong indu di Sibu bisi enggau ngulu.
Topik ke dibai oleh 2 orang penceramah ianya:-
1. Pasal ngelala diri, lalu bakani kitai ngemansang ke diri ke dibai Steven Chong ari Sabah.
2. Pasal pengerai ianya cervix cancer ke dibai Dr. Toh, siko pakar sakit indu di Sibu.
Kedua-dua topik tu chukup manah, kelebih agi ar Dr. Toh; ke madah ke kitai indu patut ngemata ke pengerai kitai. Cara kitai ngemata ianya kitai mesti mereksa diri selalu ari segi cervix cancer, laban tu siti ari penyakit cancer enti ditemu tumu, ulih gerai.
Alam pekara tu, aku ka ngingat ke kaban Sarakup ianya kitai edang setiap taun bisi ngadu ke randau pengerai serta mereksa pengerai aba Poliklinik Lanang. Perati ke program taun tu, lalu sampal meh enggau.
Randau ke dibai penceramah Steven tu, aba aku endang tentu nyemetak. Nyangka aku udah aba tahap tauka ka bisi penemu mimit senentang ngemansang/ngemaju/ngemasa diri; nya alai randau iya tak alang-alang endal aba aku. Nadai tentu bulih penemu baru aku aba randau iya.
Ir. Alice, Pn Timah & Endu Maureen
Tiga ari bala Sarakup ke bisi enggau. Kaban ari Pasai Siong, bisi bepansa tang seduai duduk jauh ari kami, lalu enda sempat begambar enggau seduai.
No comments:
Post a Comment
engkah komen kita ditu....