Hari enam tu kemari bala Sarakup ari Rejang Park bisi ngatur Food Fair aba Rumah SIDS di Jalan Gambir. Tu siti ari aktiviti ngiga belanja sida, kena sida ngatur aktiviti bukai aba Kawasan sida. Tu meh Kawasan ke-2 ke udah ngaga aktiviti besai ngena ngiga belanja.
Pemayoh kupon ke dijual sida iya, ianya RM5,000.00 lalu sehari nya mayoh bendal pemakai bisi dijual sida. Tahniah ngagai bala kaban Sarakup ari Kawasan Rejang Par.
'Soft Opening' ke dipejadi Pengerusi SIDS, Sibu Ir. Alice Jawan. Pn. Magdaline Sigie meri tanda pengingat ngagai Pengerusi. Bisi mega alam gambar ianya, duo iko penasihat, Pn. Catherine Nain (2 ari kiba) & Pn. Hilda (baju ngadong, 2 ari kanan) enggau bala Exco & Tuai Kawasan ke bukai.
Pn Rosalyn & Pn. Evelyn - stal seduai nyual Rojak & Laksa
Bala mayoh bebeli ke barang. Anak Pengerusi, Endu Valerie ngaga meda bisi ai nyiur chelap dijual!
Bala Exco/Tuai Kawasan ngirup pagi.
Pn. Sitie & Pn. Imbok rindu-rindu bercerita ke pejalai ke Kuching minggu dulu.
Pn Magdaline Sigie, Pn. Uchi, Pengerusi & Kaban ari Rejang Park.
Panso manoh & ikan, umai, & penganan laku amat dijual sida!
3 iko bala veteran Sarakup bejual bubus kasar. Sedap amat!! ex Cr Daisy Takin (baju biru), Pn Hilda (belakang) & Pn. Bata nyaga stal sida. Laku amat bubur & agar2 sida tiga! Rindu amat mega begulai enggau sida, laban ke jarang betemu!
Sekeda utai ke dijual. Bala anak-anak mega sibuk, sampai bala indai nuh lelak!!
Bala ke ngoreng sayap manok & ngaga penganan di belakang!
Terima kasih ke sokong semua bala ke udah ngulu Food Fair sida. Terima kasih mega ke sebilik bala Sarakup Rejang Park ke sama-sama kiroh enggau bala indai-indai/sulu ngatur, ngangkut, nyusun, etc utai.
No comments:
Post a Comment
engkah komen kita ditu....