Monday, May 23, 2011

MAJLIS MAKAN MALAM PERAYAAN GAWAI DAYAK SIBU 2011

Kena ke 21hb Mei 2011, hari enam tu tadi, Majlis Makan Malam Perayaan Gawai Dayak Sibu 2011 udah diaturka ba Kingwood Ballroom, Hotel Kingwood, Sibu.  Tuai pengabang ke bisi sama enggau berami mayanya, iyanya Yang Berhormat Datuk Patinggi Tan Sri (Dr) Alfred Jabu anak Numpang, Timbalan Ketua Menteri Sarawak, merangkap Menteri Permodenan Pertanian Sarawak dan Menteri Pembangunan Luar Bandar Sarawak.  Pengawa tu diaturka oleh gabungan persatuan-persatuan raban bansa Dayak, iyanya Sarawak Dayak National Union (SDNU - Sibu, Sibu Jaya & Rejang Basin), Sarakup Indu Dayak Sarawak (SIDS ) Sibu, Dayak Bidayuh National Association (DBNA) Sibu enggau Orang Ulu National Association (OUNA) Sibu.  Antara atur pengawa ke malamnya iyanya nyuaka insentif ngagai bala anembiak ke udah bulih pemutus peresa cemerlang ba peresa UPSR, PMR, SPM enggau STPM maya taun 2010 nyin suba.  Selain nya, mayoh macam jenis persembahan kebudayaan enggau nyanyian mega diayanka malam nya.  Highlight atur pengawa ke malamnya, iyanya Pekit Kumang enggau Keling Sibu taun 2011.


Tuai pengabang, Yang Berhormat Datuk Patinggi Tan Sri (Dr) Alfred Jabu anak Numpang baru datai, diiring oleh Pengerusi Komiti Majlis Makan Malam Perayaan Gawai Dayak Sibu 2011, 
Mr. Chambai Lindong


Endu Peggy ngepin rosette ba baju Yang Berhormat Datuk Patinggi Tan Sri (Dr) 
Alfred Jabu anak Numpang


 Yang Berhormat Datuk Patinggi Tan Sri (Dr) Alfred Jabu anak Numpang malu tawak tujuh (7) kali, simbolik perasmian Majlis Makai Malam Perayaan Gawai Dayak Sibu 2011


Yang Berhormat Datuk Patinggi Tan Sri (Dr) Alfred Jabu anak Numpang nyuaka insentif ngagai siko ari bala anembiak ke bulih result peresa cemerlang


Sida ke betaboh ari 3RRD


Sida anak-anak SIDS Sibu ngemantaika kajat sida iya - cukup manah kajat sida iya... :)


Sekeda ari penari-penari Bidayuh - bajik-bajik sida iya

Bala penari ari SMK Jalan Oya, mantai ke kajat bercerita ke Muru Antu Buyu!


Bala pemekit kumang ke bisi enggau bepekit malam nya - amat bajik sida tu


Bala pemekit ke betanding ke gelaran Keling Sibu 2011


Kumang Gawai Dayak Sibu 2011, Endu Susie Miggi


Keling Gawai Dayak Sibu 2011, Igat Jimmy James


Anak-anak SIDS
(ari kiba: Endu Peggy Tengku, Endu Valerie Tipong Jawan, 
Endu Beatrice, Endu Ann Natalie Mathew)

Kami, kaban SIDS Sibu meri tabi Selamat Hari Gawai Dayak taun 2011, gayu guru gerai nyamai lantang senang nguan menoa ngagai semua ke macha blog tu...  ^_^


Terima kasih ngagai Ms Maureen Gilbert ke udah ngambi semua gambar-gambar ke dikena tu.

Ngintu Hari Indai 2011 ... 22 Mei 2011

Hari Minggu tu kemari SIDS Sibu bisi ngatur siti program kena ngintu Hari Indai. Program tu diatur Endu Michelle Anthony lalu ditulong Endu Claudia Dieo serta Endu Maureen Gilbert & Endu Valerie Jawan. Chukup manah program. Tubuh ke enggau chukup iya pemayoh kira-kira 60 orang, nyengkaum bala apai-apai & anak-anak. 

Bala indai semua diberi sekumtum bungai Rose & siti kad; chukup neguh ati.  Program ke diatur nyengkaum gambar anak/indai lalu nya mega dipekit ke nitih ke gambar ke paling dikerindu ke bala mayoh. 

Tema malam enda bisi digaga ianya ~ enda tau ngena 'kebaya', laban ka meda bala Indai-Indai berpakaian ke enda kala dipeda sida kena.  Nya alai mayoh ke datai kena baju gaun.

Bala indai -indai ke enda kala belagu pen angat belagu, enda iboh disebut ke poco-poco, twist, cha-cha etc., sekeda nuh berbuka kasut pemendal poco-poco! 

Pengerusi SIDS Sibu, Ir. Alice Jawan & anak iya, Valerie Jawan
(penyambut temuai ke malam nya & penyua bungai2 ke indai2)

Penolong Sekretari, Pn. Catherine Kundau, & Endu Michelle, ke mega
EXCO SIDS, Sibu serta tukang nyaga blog tu.


Regina Emu & anak dara iya, Endu Claudia Dieo (MC ke malam nya)

Timbalan Pemegai Wang, Pn. Timah Unggit & anak dara iya, Endu Maureen
(penyambut temuai ke malam nya)

Exco Pn. Priscilla Bunsi & anak dara iya (benong belajar di Politeknik Mukah).  Pn. Bunsi mega pemenang Mother's of the Night!  Tahniah!

Kaban Sarakup & anak iya (minta ampun, enda ingat nama)

Pn. Rosalind Sandah, EXCO, & anak bujang iya.

Kaban Sarakup & anak iya (seduai tu pandai main berdiri atas suratkhabar - pemenang!)


Pn Timah enggau anak dara iya siko dah! :) 

Pn. Monica Giri, Sukong Pengerusi SIDS Sibu nyua ke prais menang main.

Pengerusi & anak iya menang gambar paling manah antara indai/anak.  Kebukai deka ngelaban seduai bergambar ke taun-taun dudi enggau mantai ke senyuman Darlie ko (laban Ir. Alice mantai ke senyuman Colgate! haha!)

Bala indai2 ari Penasu

Bala indai-indai ari Kawasan Sukun

Bala indai-indai ari kawasan Sukun & Sentosa.  Sepiak kanan ianya Pn. Jeluie, Tuai Kawasan Sukun.

Bala indai-indai & anak:
Duduk kiba ke kanan:  Pn. Catherine Nain (penasihat SIDS Sibu), Pn. Monica Giri, Pn. Teresa Suli, Pn. Timah Unggit, Pn. Regina Emu.
Berdiri gergaya kiba ke kanan:  Endu Valerie, Ir. Alice, Pn. Catherine Kundau & Endu Michelle

Pn. Loryna Leman & bala iya ari Rantau Panjai

Motong kek Hari Indai!


Terima kasih ngagai Komiti Pengatur progrim & anak-anak Sarakup ke bebendal bertusi beberapa hari ngatur progrim; ngambi progrim 'surprise' ke bala indai-indai. 


Selamat Hari Indai ke semua bala SIDS, Sibu & bala indai pemaca blog tu.  Besampi ke kita selalu diberkat Allah Taalah enggau pengerai & pengerindu!


Gambar-gambar tu semua diambi oleh Endu Maureen Gilbert, terima kasih!  Sapa-sapa ka meli gambar ulih meli nengah iya. 

Wednesday, May 18, 2011

Nemuai ngagai Menyan ...

Kena 17.5.2011 (hari dua) bala SIDS, Sibu bisi nemua ngai bala anembiak Rh. Umpang di Menyan ke minggu nyin kemari kena penusa rumah panjai ke berumur lebih 100 taun angus.  Dijangka angus ketegal tali wire api/karan ke enda dipasang manah-manah di dalam bilik.

Sinu endal meda sida.  Sekeda ngaga rumah di sebelah tanah dia meh ke endor berindap sementara.  Ketegal rumah ke udah angus tu, ambis keresa lama angus, serta nadai utai mimit ke ulih diselamat ke bala sida.

Seharinya, bisi kira-kira 40 orang bala Sarakup bisi enggau maya nya,ngenatai ke penyinu ati.  Taja utai ke dibai nadai mayoh, tang munyi ko TR Umpang, nya nanda ke bala kaban ngesah.


Bergambar enggau bini TR Umpang (berdiri ke-4 ari kanan).


Nyua ke pemeri gari/barang2 serta mata duit ngagai TR Umpang.

Sunday, May 8, 2011

Selamat Hari Indai ....

Kelia aku enda ulih mikir nyadi indai!  Lalu selalu nanya diri, bakani meh aku tu nyadi indai ke manah, ngambi anak-anak mujur alam pengidup.  Tang ke amat, kitai ke indai semina ulih ngiring anak naka ke ulih & nyadi teladan ke manah.  Indai seharusnya nambah ke penemu ngambi kitai ulih nyadi relevan ke anak-anak maya diatu.

Bala anak Sarakup - Claudia, Peggy, Valerie, Beatrice, Ann & Michelle


Indai-Indai, nyadi meh ke teladan & pendorong bala anak-anak ke meruan, laban semua pengawa kitai bepun ari Allah Taalah.

Selamat Hari Indai!

Saturday, May 7, 2011

Nemuai ngagai Rh Sri Kenangan kena 7.5.2011

Sehari tu tadi, bisi kira-kira 20 orang bala Sarakup nemuai ngagai Rumah Sri Kenangan di Jalan Oya, Sibu.  Tu rumah pengandal tuai ke bisi kira-kira 70 orang tuai ke nadai orang ngibun, ketegal sekeda anak enggai ngibun lalu sekeda ketegal sigi nadai anak.  Sinu endal ngah meda sida ke diau di asrama tu.  Taja endor diau manah, pemakai chukup; tang aba aku endang enda betul endal apai indai dianjung kitu.  Enti tek 'nursing home' engka tek lain ngah?  

Besampi ke bala anak-anak kitai Sarakup/Dayak ulih ngintu & ngibun Apai Indai selalu.  Nyadi meh nya ke siti tanggungjawab pengerindu/pengasih kitai ke anak.

Progrim nemuai tu endang siti ari progrim Komiti Nyaga Pendiau (Welfare) ke di atur setiap taun, lalu tu diatur berserimbai enggau Hari Gawai Dayak serta Hari Indai. 


Pengerusi Komiti Nyaga Pendiau (Welfare), Pn. Timah Unggit, meri jako seleka dua.


                                 Bala Exco nyusun pemakai ke dibai atas meja, sebedau bergambar!


                 Bergambar begulai enggau bala Sarakup enggau bala sukarelewan Sri Kenangan, En. Jilin.


Pn. Timah & Pn. Leman benong nyadung kuih-kuih.

Bala kaban Sarakup & siko ari penghuni


Nama enda meh randau seduai tu?  Tentu mikir ka mai bala poco-poco!


Pn. Priscilla Bunsi nyadung kuih kek pandan ngagai penghuni.


Bala Exco & Pengerusi SIDS Sibu, Ir. Alice Jawan, releks ngirup sambil nyain bup pelawat.


Bala Sarakup ngerindang bala indu-indu penghuni.  Rindu endal sida ninga lagu serta berdansa!


Nya iya muka bungai poco-poco!


Bala Sarakup ngerindang penghuni indu enggau berpoco-poco.



Selamat Hari Indai ke semua bala Sarakup!  Besampi ke semua kitai diberkat pengasih, pengerindu, pengelantang, pengerai, pengliat ati, penemu, enggau penyayau!
Ari Pengerusi & semua Exco!

Aktiviti Bulan Mei ...

Keterubah iya Selamat Hari Indai ke semua bala Sarakup di serata menoa. 

Ngagai bala anak-anak, udah meri Indai kita salam? cium? berandau rindu? - ke udah, Manah! ke bedau ... kol Indai kita diatu!  Nadai ngawa laun, asal bisi!

Orang Indu ke bergelar "Indai" meh orang ke nyusun pengidup kitai.  Peranan Indai enda besai endal lalu pemansang kitai ianya ngelai ke pengawa sida.  Ngari ke semua bala anak-anak, terima kasih Indai ke pengibun, perasing ati, enggau pengerindu ke udah diberi ke ngasoh kami Sapa kami diatu.  Pemujur pengidup kami bepun ari nuan Indai.

Ketegal pemesai pemeri Indai-Indai --- SIDS, Sibu enggau cara ke mit deka ngadu ke siti program ianya MAKAI MALAM HARI INDAI SIDS-SIBU di LiHua Hotel kena 22 Mei 2011 jam 6:30pm.  Bayaran siko ianya RM20.00; lalu setiap kaban di-ansak mai siko anak ke pengerami.  Mayoh main bisi diatur kena ngerami bala Indai.  Bala anak-anak ke enggau 'penolong' alam progra tu ke diatur Endu Michelle & Endu Claudia!!

Pakaian - Enda Tau ngena Jean/Seluar & Kebaya!  Reti-nya bala Indai-Indai, berpakaian ke enda kala dipeda!