Hari minggu, sekeda bala nurun sembahyang, tang sekeda sembahyang kediri di rumah ketegal pengawa sosial. Kami beruntung bendal laban bisi diadu ke siti program Seminar Nur Bestari olih Majlis Pembangunan Wanita & Keluarga P212 Sibu begulai enggau sida Kemas di Rumah Akong, Penasu. Nitih ke pengerusi sida, ianya YBhg Datin Sharifah, progrim tu endang bisi diadu ke kitai bala di pesisir sekali setaun, lalu bisi di setiap kawasan parlimen. Tertanya-tanya ngah ati aku, lalu dipansut ke aku aba Datin, nama aku enda kala ninga progrim baka tu bejalai di Kawasan Parlimen Lanang - iya enda ulih nyaut aku. Tang iya deka mai tu ngagai Datin Judy Lau (ke megai progrim tu di kawasan nya) serta iya ngenatai ke besedia ngeremai ke progrim iya ke Lanang, enti bisi peminta.
Lebih kurang 80 orang bala indu ari Penasu, Sukun, Rantau Panjai, Aup, Ulu Teku, Rejang Park, serta Namam bisi enggau. Aku sinu amat meda mimit amat ngah bala ari Penasu empu enggau. Diandal ke kami 150 orang indu kitai SIDS enggau, tang nadai ko enggau, iya ngah naka nya ke ulih datai.
Dua iti, kertas kerja nyadi dibai (taja alam progrim bisi 5 iti) ianya:-
1. Wanita & Kepimpinan dibai Pengerusi SIDS, Sibu.
2. Hak Hak Wanita dibai Pn. Rashidah Bte Abdullah
Ngari ke SIDS, Sibu meri besai terima kasih asoh MPWK P212 Sibu & Kemas. Arap ke kitai taun dudi ila ulih ngeremai ke progrim tu ngagai rumah panjai ke bukai.
Bala kaban nyinok ninga ke kertas kerja
Sekeda bala ke enggau seminar
Bala kaban belajar ngaga bakul
Ir. Alice merati ke Pn. Hilda belajar ngaga bakul wee.
(Udah tembu ulih minta ari Indai Betty tu ila!)
Repot disedia Pengerusi SIDS Sibu.
No comments:
Post a Comment
engkah komen kita ditu....